منتديات أعز الناس - طريقة عمل حمام الزيت بالصور

بسم الله الرحمن الرحيم

اولا الطريقه دي تعمليها مره كل اسبوع
كفايه اوي عشان لانجهد شعرنا

نبدأ بسم الله

اولا بتجهزي الزيوت اللي هتعملي بيها حمام الزيت
انا هستعمل زيت الحلبه والسمسم واللوز الحلو وزيت الزيتون وجنين القمح

http://a3zz.net/upload//uploads/imag...03365c8e35.jpg

http://a3zz.net/upload//uploads/imag...a75cea4d65.jpg

زيت الحلبه مفيد لتطويل الشعر وزياده كثافته ونعومته
زيت السمسم لتغذيه الشعر وتقويه البوصيلات
زيت اللوز الحلو لنعومه ولمعان الشعر
وطبعا زيت الزيتون وجنين القمح
بالنسبه للاسعار كل ازازه سعرها خمسه جنيه ماعادا زيت جنين القمح 7 جنيه

اختارتي الزيوت بتاعتك

ممكن تزودي اي حاجه كمان معاها
زيت الجرجير مفيد جدا بردو
وزيت البصل او التوم لو عندك قشره

هنبدا نخلط الزيوت

انا بحب استخدم سرنجه

http://a3zz.net/upload//uploads/imag...a5bd849a70.jpg

عشان بتخليني استخدم علي قد حاجتي بالظبط ومش بهدر الزيوت

http://a3zz.net/upload//uploads/imag...bbfb077bfa.jpg

ابداي خدي كميه الزيت اللي تحبيها تقريبا املي نص السرنجه بس
لانك هتخلطي حاجات كتير مع بعض فمتعمليش كميه كبيره علي الفاضي

http://a3zz.net/upload//uploads/imag...bd2443ba62.jpg

اخلطيهم مع بعض في اي علبه عندك
ممكن تضيفي معلقه عسل
وتقلبيهم كويس

هتبدأي تاخدي من الخليط ده بالسرنجه بردو وتحطي في فروه راسك وتدلكي كويس

هتلاقي الموضوع سهل لان السرنجه بتوصل لفروه راسك بسهوله
وتجيبي مشط خشب وتسرحي شعرك
عشان الزيوت تتوزع بانتظام في الشعر
ومتنسيش طبعا اطراف شعرك

http://a3zz.net/upload//uploads/imag...2604af9c73.jpg

بعد ما سرحتي شعرك كويس وحسيتي ان الزيوت اتوزعت في شعرك كله
تجيبي بونيه الحمام البلاستيك وتغطي بيه شعرك
وتعملي فوطه سخنه
وتكرريها مرتين او تلاته
وبعدين تشييلبها
وممكن تستخدمي السيشوار علي الدافي فوق البونيه بدل الفوطه بس ميكونش سخن اوي
ويفضل طبعا انك تنامي بحمام الزيت عشان الشعر يستفيد منه
يعني تشيلي الفوطه والبونيه وتربطي ايشارب
والصبح تغسلي شعرك بشامبومناسب لشعرك وبلسم
وانا بفضل بلسم جونسون للاطفال لان مفيش فيه كيماويات
وشامبولونا بزيت الشال لانه خفيف جدا علي الشعر

http://a3zz.net/upload//uploads/imag...59c430fd9a.jpg

http://a3zz.net/upload//uploads/imag...8e31c453ba.jpg

وتحطي نقطه صغننه من الكريم المفضل بتاعك
وياسلام لو حطيتي معاه نقطه زيت سمسم
بس نقطه صغيره اوووووووي
عشان شعرك ميبقاش دهني
ولفيه او اعملي سيشوار او حتي سيبيه كده
وكرري حمام الزيت كل اسبوع بس
ملحوظه لو شعرك فاتح بلاش زيت السمسم لانه بيسود الشعربدليه باي زيت تاني
جوز هند مثلا
وبس