|
قضيه الاسبوع (الخامس ) طريقة التعامل مع هالصنف
السلام عليكم ورحمة الله وبركاته حبيت أطرحلكم هالقضيه اللي ماااااليه البلد وهي..: الآمرون بالمعروف وناسين أنفسهم يعني بالمختصر وبصراحه في ناس كثار يحبون يتفلسفون وينتقدون غيرهم وهم يسوون أكثر من هالشي..! حلو الواحد وقت ما يجيك ينصحك يقولك : أنا أسوي هالغلط وودي أتركه وياليت تساعدني واساعدك على ترك هالشي .. مو يجيك ويقولك : انت شلون عايش بهالطريقه وشلون تسوي هالذنب..؟ ويحسسك انك كفرت وطلعت عن الملّه وتكتشف بعد فتره انه يسسسسسسسويه مثلك وأكثر منك بعد..! بالله ش بتكون نظرتك له..؟ وش بتكون نظرته لنفسه ..؟ ما بيستحي من روحه يوم كان يفتي ..؟ قال تعالى..{ أتأمرون الناس بالبر وتنسون أنفسكم وأنتم تتلون الكتاب أفلا تعقلون } وقال..{ياأيها الذين آمنوا لــم تقولوا مالا تفعلون كبر مقتاً عند الله أن تقولوا مالاتفعلون } اللي أبي أوصل له اننا كلنا لازم نعترف بأخطااااائنا واذا كرهت للشخص هالغلط وماتبيه مثلك ولا تبيه يغلط الغلط اللي انت تغلطه لاتحسسه انه ارتكب جريمه..! عادي قول له انك انت تغلط هالغلط ولانك تحبه وما تبيله الشر قاعد تنصحه وتنبهه بأسلوووووووب وتقوله ش السبب اللي خلاك تسوي مثل هالدنب وش الاسباب اللي ماتركتك تترك هالغلط.. السؤال.. *..ليش باعتقادكم البعض يستخدم هالاسلوب..؟ *..شلون نتعامل مع الشخص اللي اكتشفت انه مسوي روحه الملاك النازل من السماء وهو ع نفس الغلط..؟ *..افترض انك مكانه راح تعترف بغلطك والا تكابر ..؟ *..ش الحل برأيكم للناس اللي يتعاملون بهالطريقه..؟ تــألمت |
السلام عليكم ورحمة الله وبركاته
اشكرك على اختيارك الموفق المعهود عنك نجد حولنا من هؤلاء الناس ونوعيتهم وجبلنا على انهم محيطين بنا ولاكن نحمد الله انهم قله *..ليش باعتقادكم البعض يستخدم هالاسلوب..؟ اما انه هناك نقص في شخصه وشخصيته ويحاول ان يظهر ان من حوله من الناس بهم نقص من خلال تصيد اخطائهم *..شلون نتعامل مع الشخص اللي اكتشفت انه مسوي روحه الملاك النازل من السماء وهو ع نفس الغلط..؟ اقدم له النصحيه ولاكن ليس على طريقته بل بالإيضاح والتوضيح *..افترض انك مكانه راح تعترف بغلطك والا تكابر ..؟ الإعتراف بالخطأ بدايه التصحيح لكل انسان يرغب بأن يكون متزناً ومتحلياً بالأخلاق الحسنه *..ش الحل برأيكم للناس اللي يتعاملون بهالطريقه..؟ 00ماندمت على الصمت قط00 من الحكمه ان نصمت لنترفع عن سفهاء الناس وسفاسف الأمور اكرك شكري لك |
-
برد مختصر مهما كان الشخص الذي ينصحني سواء مرتكب لنفس الغلط الذي انا عليه او غير مرتكب فإني سأرحب وأقول جزاك الله خير وان شاء الله ربي يعافيني من تلك الاخطاء صحيح انه غير جيد أن يكون للشخص اخطاء وينصح الاخرين ويحذرهم من اخطاءهم التي في الاساس هو يقوم بها , ولكنها تظل نصيحه بإمكاني اتقبلها بشكل مباشر مع دعوتي له بكل الخير فلا ارى ضير في قبولها , وبإمكاني أن اقول جزاك الله خير ولكنك يا أخي الكريم تأتي نفس الغلط فكيف تنصحني وانت على خطأ ( في محاولة لحثه على الاعتراف بأنه على خطأ ايضاً ) عموما احياناً يكون الشخص مبتلى بذنب او معصيه ويتمنى أن لا يقع فيها الآخرين وينصحهم ويعترف لهم بأنه يعمل نفس اخطاءهم ويتمنى اصلاح حاله ولكنه في جهاد ويخشى عليكم ان تتمكن منكم نفس المعصيه او الذنب كما تمكنت منه.. كل الشكر اختي تألمت على الطرح - |
موضوع رائع وقضية نعيشها في الواقع.
*..ليش باعتقادكم البعض يستخدم هالاسلوب..؟ ممكن لاثبات واكمال نقص في شخصيته. *..شلون نتعامل مع الشخص اللي اكتشفت انه مسوي روحه الملاك النازل من السماء وهو ع نفس الغلط..؟ نعود له بالنصح هذا مانستطيع ان نعمه من اجله. *..افترض انك مكانه راح تعترف بغلطك والا تكابر ..؟ اكيد بعترف. فالاعتراف بالحق فضيلة. *..ش الحل برأيكم للناس اللي يتعاملون بهالطريقه..؟ النصح النصح والنصح. وقبل كل شيء: تقبل النصيحة مهما كانت |
| الساعة الآن 06:44 AM. |
Powered by vBulletin® Version 3.8.9
Copyright ©2000 - 2024, Jelsoft Enterprises Ltd.