مدخل :


أحتاج لي كسره نفس قطعه أحساس !
... ... ... ... أحتاج لو حاجه؟ تثير أهتمامي ،

ما أحس نفسي أنتمي لـ ساير الناس
... ... ... ... أحس نفسي غارقه في ظلامي

نص :

على الله والوجع أكبر من انه ينحصر بالآه
... ... ... ... تعبت وما قدرت ألقى من رماحه علي ! مهرب

انا المليان في غبه ظلامٍ ما وصلت أقصاه
... ... ... ... انا ( الخالي حياه ) اللي لموته بالحياة : أقرب

انا ذاك الفقير اللي ولٌد لكن؟ بدون اشباه
... ... ... ... وحلمه ضحكه أشباهه لأجل يقنع بها و: يطٌرب

حرمه الوقت لا يلقى بهذا الضيم من ينصاه ..
... ... ... ... وعاش بمنتهى الحيرة بلا : دار و بلا : مأرب !

عجزت آحايل حروفي وقالت مابقى بي فاه !
... ... ... ... ... دخيل الله من الدهشة؟ انا ضميان / لو أشرب !

نفاني واقع الدنيا لـ دركٍ ما أغرٌق لولاه
... ... ... ... ... وصارت قصتي تشبه : غريبٍ في فضاه اغرب

مخرج :

تجمعوا حولي ظنونك والأحزان !
... ... ... ... حتى غدى مالي من الضيق مخرج