|
يآمرؤ القيس مإلهآ دآعي ~
عنوآن القصيدة : يا امرؤ القيـس والله مالهـا داعـي القصيده ~ : يا امرؤ القيـس والله مالهـا داعـي وشو له توقف على الأطـلال تبكيهـا؟! لاتقول ذكرى الحبيب بحجـة اقناعـي وش تنفعك ذكريـات ٍ راح ماضيهـا؟! من صد عني حرام ان جيت له ساعي دام المحاني تقـوم وجرحهـا فيهـا..!! القلب غبة بحـر والفضـل لشراعـي مايلتفـت للحـدود اللـي يعديـهـا بالمركب اللي صنعتهـ بـس لأبداعـي قبطان .. من وين مـا ودي اوديهـا ويامرؤ القيس كان السـر باوجاعـي بعض السوالف تموت بفـم راعيهـا الفكر عزفي ونبض القلـب ايقاعـي والشعر ونسة عمر والنـاس ترويهـا وان كان صدت كذا عن روض مرباعي لاتحلم اني اجيـب العـذر وارضيهـا والله لو ان الجفا يلوي لـي ذراعـي لأقطع ذراعـي لهـا والويـه بيديهـا اهل النفوس العزيزه عشقهـا واعـي ماتنحنـي للغـرام اللـي يوطيـهـا..!!! ياامرؤ القيس .. ماتخفـاك الأفاعـي تموت والسـم باقـي فـي علابيهـا لابارك الله بعـذر ٍ جـرح اسماعـي ولابارك الله بمن هو جـاب طاريهـا..!! |
شدني العنوان .. قلت مدري وشو مسوي إمرؤ القيس ..! :) دخلت وعرفت السالفة .. تشكر على هذه الأبيات يا أبو شوق .. تمنياتي لك بالتوفيق .. |
العفو اخوي اعز الناس.
وشفت وش مسوي امرؤ القيس. ومشكور على التواصل الدائم. |
شكراً لك يا zidan_10 على نقل هذه الابيات..
وفقك الله |
اهل النفوس العزيزه عشقهـا واعـي
ماتنحنـي للغـرام اللـي يوطيـهـا..!!! دام تميزك ...وننتظر الجديد منك |
العفو اكليل الورد.
ومشكوره على التواصل الدائم. |
التميز في تواجدك وردك الرائع اغلى البنات.
ومشكوره على التواصل الدائم. |
| الساعة الآن 08:58 AM. |
Powered by vBulletin® Version 3.8.9
Copyright ©2000 - 2025, Jelsoft Enterprises Ltd.