كثــــــــــــر مااحبـــك.......احبــــــــــــــــــــــك....!!!
 

كثرماللفـرح بسمـه كثرماللـحـزن الــوان
كثرمـا تكسـر الدمعـه شمـوخ الـذات وتذلـه

كثر ما للسهر مرسـى بجفـن العاشـق الحيـران
كثر مـا للنـوى قصـه معـه والـراوي الملـه

كثر ما لوعة الفرقـا تشـاف وتنقـري وتبـان
على وجـه المفـارق والجـروح قـدام ومجلـه

كثر ما أشقت الغربـه مسافـر راجـعٍ ولهـان
كثر ما حـن لبـلاده كثـر مـا فيـه مـن علـه

كثرمـا يبتسـم طفـلٍ نهارالعيـد بـه فرحـان
كثر دمع السحاب اليا سقـى خـد الثـرى غلـه

كثرما للوصل نبره يجاوبهـا صـدى الحرمـان
كثر ما صبري الموحش تعبـت اسقيـه وآعلـه

كثر ما احبـك احبـك شقـاي وراحـة الوجـدان
غلاك اللي نهب قلبـي ولا لـه حـد ياصل(لـه)

فديت المبسـم اللـي لا تبسـم ينطـق الرمـان
فديت عيونك اللـي يبتـدي منهـا العنـا كلـه

احبك وان رضى الراضي ولو هو يزعل الزعلان
واحبك كثر مـا رمشـك يصافـح وجنتـك ظلـه

حبيبي وقتي الماضي عرف وش قيمة النسيـان
عرفتـك وانجلـى هـمٍ حجـاجـه دوم منفـلـه

هويتك والبشر عندي عقب عرفك غدو سيـان
وانـا يـا منوتـي مانـي لغيـرك ملتـفـت لله

طلبتك كان لي قلبٍ معـك ضايـع بـلا عنـوان
اما نه تتركـه ضايـع معـك ارجـوك لا تدلـه



شاعر الشعــــــراء/ صالح السكيبي


مما راق لــــــــــــــــــــــــي...

كل الشكر لكِ على نقل هذه الابيات الجميلة..

لكِ مني اجمل التحايا..

يعطيك العافيهإنثى بين الحب والكبرياء
شكرا لمشاركتك لنا هذهـ الأبيات الجميلهـ

دمتي بود ..

ابيات رائعه لك كل الشكر اختي انثى انتقاء مميز ورئع..

كثرمـا يبتسـم طفـلٍ نهارالعيـد بـه فرحـان
كثر دمع السحاب اليا سقـى خـد الثـرى غلـه

أبيــآت جميلهـ ورآآئـعه ..

تسلمين ..

والله القصيده روووعه ومن حلاتها اجبرتني انو اقراءها اكثر من مرره يسلمووو يالغلا وجاري لطش القصيده الى المستندات
لا تحرمينا من جديدك

كلك ذوق أنثى يعطيك الف عافيه

يسلمووو اختيار ذوق وإحساس