منتديات أعز الناس - أنــشــودة ودّي أمــوت الـيـوم وأعـيـش بـاكـر

قصيدة جميلة بكل ما تحمله من معنى ..
راقت لي كثيراً ..

~ ودي آموت اليوم وآعيش باكر~

ودي أموت اليوم وأعيش باكر
وآشوف منهو بعد موتي فقدني

ومنهو حملني لين ذيك المقابر
وأشكر أنا كل من كرمني ودفني

وباشوف يرثيني أنا كم شاعر
ومنهو تركني وما كتب شي عني

شخصً تعنالي مع انه مسافر
وشخصً قريبً وانا ميت طعني

وشخصً يمثل دمعته ما هو قادر
وشخصً تطيح دموعه كل ما ذكرني

ومنهو من اهلي بالعزا كان حاضر
منهو دعالي في صلاته ورحمني

منهو بنا باسمي سبيل ومنابر
منهو يفزّ قلبه إلى من لمحني

ومنهو عشاني طول الايام ساهر
ومنهو ثلاث ايام راح وتركني

ومنهو يرتب غرفتي والدفاتر
وان شاف صورة لي صاح وحضني

يا الله عسى ما تغفى كل المشاعر
يا الله عسى ما ينصدم يوم ظني

خايف يروح العمر واكون خاسر
وان طار طيري ما يفيد التمنى

وخايف يجيني وقت اكسب خواطر
إن دارت الدنيا وزماني كسرني

وما دام هذي الدنيا صارت مظاهر
كلً على كيفه وجوه يغني

الضيق وافي والحزن حيل وافر
والجرح أكثر شي شفته يحبني

عايش وميت بين ماضي وحاضر
والصبر مفتاح الفرج ضاع مني

قل وش تبي وتتركني يا حزن آمر
مسكين فرحي تصدق انه وحشني

شاعر ولكني ماني بشاعر
ودي آموت اليوم وارتاح مني