جاني كلام اني معك كنت كذاب .. واني محملك الشقى والاسيّه
واني ابيع الود وابيع الاحباب .. وش باقي ماقلته حبيبي عليّه
ظالم واخاف عليك من يوم وحساب ...ياخي حرام اللي تسويه فيّه
ارفع يديني طالبٍ رب الارباب ... واتذكر العشره وانزل يديّه
شمت فينا اغراب وابعاد وواقراب ... خليت ذا يحكي وهاذي وذيّه
اهديلك البسمه وتهديني انياب ... ليش الوفا في شرعك مثلك خطيّه
الله بلاك بناس تفرش لك اهداب ... والله بلاني بناس ماهي وفيّه
ياليت عندي شوي من غدر الاصحاب ... وياليت عندك من وفايا شويّه
|