جدتي وهي بسني كانت شباب مثل غصن البان وامي مثل عود الريحان ...
كبرنا ياجدتي بدري وعجزنا كمان ...
جدتي بعد ال60 حملت كيس الدوا وإحنا من الان صار عندنا اكياس وعجزنا قبل الاوان ...
يشوفونا يقولو صبايا يلا جيبيلك كمان واحد مثل فلان وعلان ...
مو عارفين إنو الصبية هالايام هي عجوزة زمان ...
وامي على الغسيل جاها الطلق وبسرعه ولدت بساعة زمان ...
واحنا دكتورة ومستشفى وممرضة واجهزة اشكال والوان... ومابتولد الوحدة الا بطلوع الروح وبعد لطف الرحمن ...
كانت جدتي حلوةوما كانت تحط مكياج والوان ...
وامي قمر ضاوي ماكان عندها غير المكحلة والحمرة السحرية تبع زمان ...
واحنا على ايامنا علب المكياج وعمليات وسشوار وبس تمشي الوحدة بالشارع بتطلع بتلاقي كلهم شبه بعض هالنسوان ...
على ايام جدتي كانو ياكلو كلشي ويطبخو كلشي لا كان في سكري ولا ضغط ولا انسداد بالشرايين وكانت الوحدة توصل لل 100 وهي قوية وتطارد ورا الصبيان ...
واحنا قال يعني صحي ومش صحي. ورجيم وماتاكل وتجلسلك جوعان ومافي مرض الا صابنا والله المستعان ...
على ايام جدتي كانو يجلسوا بالحارة اولها واخرها ويسألو عن بعض ويعرفو مين العيان... وحارتنا ضيقة وبنعرف بعض ويا حي الله هالزوار ...
وهالايام جنب بعض ومانعرف بعض والحارة كبرت وماعاد نعرف أحد ولولا الفيس بوك والانستجرام كان نسينا اسامي بعض والبعيد اقربلنا من الجيران ...
وبس يجي ضيف لازم له طلب وإستئذان #وماغثه و#مثقل_دمه ومايستحي ليش يجي بدون ميعاد إللي يجي وما يتصل او يبعث مسج لايزورنا هالايام....
كان السمن البلدي واللبن وصحن الفول وحبة الطماط والبطاطا من البستان...
وتلاقيهم اطعم شي وبنشكر الرحمن ..
هالايام ستيك وبرجر وايطالي وصيني ومدري ايش وبتاكل ومابتشبع وبتحس حالك عيان...
ويرحم ايامك ياجدتي ويرحم ايام زمان
لما كانت الناس طيبه ويحبو بعض أصحاب وخلان... و#لقمة_هنية_بتكفي_مية...
والضيف ضيف الرحمن وبيت الضيق بيوسع الف صديق وبالك مرتاح ورايق وتنام وموكل امرك للحنان المنان ...
ماكان في لا حرب ولا قتل وكان في معنى للانسان
وعلى ايامنا الانسان انهان وخربت الدنيا والعدل ضاع ومال الميزان..
والله المستعان
حبييييييت ايام زمان🌹🌹
|