وإذا سمحتي لي بالإضافة..
فهناك قصيدة مشهورة أخرى للشاعر
طلال الرشيد يرحمه الله
في الرد على القصيدة التي فيها ذم
بنات الجزيرة وهي:
يابن الحلال إن طعتني خل الأسراف
واترك جمال الغيد لأهل البصيرة
الزين مو بس الملامح والاوصاف
الزين روح(ن) وعفـة وطيب سيرة
مانيب من يهوى سريا وإنصاف
أنا هواي وبس بنت الجزيرة
بنت الخليج اللي تماري بالأعراف
وحنا نماري بإسمها كل ديرة
مالي غرام بقول واخا وبالزاف
إذبحني عند الطرحة المستديرة
أحب قولة ياهلا وعل ما خلاف
من بنت ثوبي بنت الارض النضيرة
اللي تحلاها الظبي حلو الاطراف
جمال في عفة ورقة وغيره
واللي بها سحر(ن) مهو سحر عراف
ياعل عيـن(ن) مـا تـراها ضريرة
عطف وحنان وذوق في لين الأعطاف
وإلى كشفت لثامها شفت أميرة
صعبة على اللي بالردى شاف ما عاف
وحلوه على اللي سنة الله ضميره
شمس(ن) إلى من أشرقت والدجا طاف
غابت نجومك غصب لو هي كثيرة
السيف ما يزهى سوى كف سياف
والخيل دون حصانها مستخيرة
بس انت دور لك على قدك لحاف
وإن طعتني دور بدلنا عشيرة
يعطيك العافية يا توتي
وارجو أن تتقبلي إضافتي بصدر رحب