بسم الله الرحمن الرحيم

السلام عليكم ورحمة الله وبركاته

اليوم جايب لكم فضيحه غير وتخص كل شخص يحب الفضايح

اتوقع الرساله راح يفتحها كثير بسبب اسمها

ودي أسأل كل واحد فيكم

ايش شعورك لو صارت لك فضيحه أيأً كانت وصاروا الناس يتراسلونها

أستحلفكم بالله تتخيلون الموقف

صدقوني لو كل شخص عاش لحظة الفضيحه راح يعرف معنى عمله السيء في نشر فضايح خلق الله

واحد مصور زوجته مع طفلها في مسبح بيتهم وتسرب الشريط او السي دي

يمكن احد سرقه او لأي سبب ثاني طاح في يدين ناس ما تخاف الله

المهم ان المقطع انتشر

وواحد مصور اهله واخواته بلباس البيت وهم عايشين لحظات اسريه بكل بساطه وايضاً إنتشر المقطع

هل اصحاب الشان غلطانين لأنهم صوروا انفسهم ؟

لكن الاكيد ان الناس اللي تتراسل المقاطع هذي غلطانين غلطانين

مافيه احد يرضاها على نفسه او على اقربائه او اصحابه او حتى جيرانه

طيب ليه الناس تتراسل الفضايح .. اتمنى القى اجابه مقنعه

الحين تخيل وصلتك رساله او مقطع بلوتوث فيه فضيحه وشفت المقطع واشبعت شعور اللقافه عندك .. طيب الله لا يهينك امسح المقطع ولا تنشره وياليت تقول للمرسل انه يخاف الله ويمكن يجيه يوم ويصير له نفس الشي والناس تتبادل فضيحته

طيب ايش تستفيد اذا شفت الفضايح وايش تستفيد اذا نشرتها
اكيد اكيد مافيه اي فايده وبالعكس فيها اثم وخراب بيوت

ياما بيوت انخربت وياما اسر تفككت كله بسبب مقاطع تافهه

فيه ناس تحب تصور اوقاتها الاسريه وغير الاسريه لكن مافيه احد يرضى ان الناس تتداولها تحت مسمى فضيحه

خافوا الله ياجماعة الخير

اتمنى نوصل لمرحله نكون فيها راقين بتعاملنا حتى مع الفضايح ومن ستر على مسلم في الدنيا ستر الله عليه يوم القيامه

الكلام هذا اوجهه لي ولكم

في امان الله