وجودي له مكانه

بيانات اضافيه [ + ]

رقم العضوية : 364  تاريخ التسجيل :  Dec 2009  أخر زيارة : 04-16-2019 (10:00 PM)  المشاركات : 2,584 [ + ]  التقييم :  25

لوني المفضل : Cadetblue

مساء الخير


اليوم الاول :


بتكلم عن مراحل حياتي كل مرحله لها ذكرى بحلوهااا ومرهااااااا

وأهم مرحله كانت الطفوله

طفولتي

كانت عاديه لاشي بها مثير أو بها شي مميز
غير أني عشتهاااا بطريقتي أنا

وأنا طفله كنت مثل الطير الحرررر أبي أحلق وأشوف وأستكشف كل شي

كيف تشكلت شخصيتي

كانت عئلتنا عدد أفردهاا كثير ( قولو ماشاءالله )

وأبوي يشتغل في محل وكنا تقريباً نادر نشوفه اذا رجع البيت نكون نايمين

ونشوفه وقت الغداء واحيانا لااااااا

طبعاً كل فتاهـ بأبيها معجبة فاكنت اقلد كلامه جلسته أكله

حبيته أكثر من أمي

ولان عددنا ماشاءالله كثير 12 شخص
فكان صعب على أمي أنهااتراقب تصرافتي

وانا اخذت راحتي أي شي يخطر ببالي أسويه رغم تشدد أمي وحرصهااا

صح كنت أنطق كثير منهاا بس ماردعني



من المواقف

وانا بأول أبتدائي

كان معي ريال والوقت متاخر كان تسع بالليل ومستحيل انام قلت بروح لبقاله
طبعا ماخبرت امي نزلت وهي بالمطبخ

ولما دخلت أشتري شفت بنت تصيح تقول ابوها راح وخلهاا

وانا طبعاً لعبت دور المنقذ

والبنت صغيره عمرهااا 4 سنوات
سئلتها تعرفين بيتكم قالت لا قلت اذا شفته تعرفينه قالت ايه

قلت خلاص الحين نفر انا ونتي العماير كلها اذا شفتي بيتكم خبريني
وافقت
وطبعاً شريت بريال لي حلاوه ورحت ادور على بيتها في الحاره كلهاا
وكان جنبا أسواق
وديتهااا
وما تعبت والبنت ماعرفت بيتهم رجعت بيتنا والنت معي وانا كنت هلكانه
طبعا الفراره بشوارع كانت هوايتي
ورجعت البيت واشوف البيت مقلوب وصراخ ودخلت وليتني مادخلت
أمي على طول هواش وصراخ لان رجعت ساعه 10
وابوي بعد هاوشني
المهم اهلي كلمو الشرط وسلموها حق ابوهاا
وانا اخذت نصيبي من الطق

ولما كبرت صرت ثاني أبتدائي صار روتين عندي بعد المدرسه افر الحاره

وكل يوم ارجع من طريق ثاني

كنت أكره الروتين أبي اشوف شي جديد ولو في طريق عماير ناس مدارس بجنبا
البوفيه امر المكتبه البقاله المهم استكشف

كنت بالمدرسه متفوقه بس بقدر شطارتي فيني لقافه مشاغبه

تعلمت القرائه قبل ادخل المدرسه
أمي وأبوي كان أميين مايعرفون يقرئون
كنت اقراء كل يوم حق أبوي الجراد بعد الغداء
وعلى مافيها من اخبر كنت اخبر ابوي عن لاعلانات ولا اقول لاخبار لاني ماعرف اقراء

كملت على نفس الموال ثالث ورابع وخامس وسادس افر اشتري كل سنه الفضول يزيد بس أمي تشددها يزيد

ونحرمت من اغلب طلعاتي في شارع وعند الجيران غير معا أخوتي وهذا شي ذبحني لاني فيني طاقه

فصرت هواش معا اختي الي اصغر مني
هواش معا أخوني
كنت مسويه قلق في البيت
ولما شراء ابوي بيت ملك لنا ونقلنا

كان لازم اعرف المنطقه
لبست ثوب اخوي وطاقيه بس >>> تسوي متنكرهـ

أخوي شافني وطبعا عرفني مايحتاج
ورحنا البيت وصرت هوشه بس طقني الدب

وانا مافيني فايده مو راضيه اسكت وامي مو في البيت كانت عند الجيران
وجاب سكين يبي يهددني
ومعا الهوشه جات بظهري ودم وزحمه والله عورتني

كانت نعمه لي صار اخوي من يومها يدللني ويحبني
وهديت شوي

ونسيت اخبركم

سلفر ذكرني لما قال كعبول

لانه كان أسمي بالمدرسه لاني كنت دبدوبه


وهنااااااااااا كانت نهاية أحلى أيام عمري ونهايه فرحي وكل شي

لما دخلت أول متوسط وبعد لاختبارات كنت متعلقه في أمي كثيرررر
لاسباب خاصه فيني

وفي أثناء استلام الشهدات

رجعنا البيت كان كله حزن ودموع وشفت عماتي اخوتي المتزوجات
اخوني وناس كثير

قالو الله يرحمهاااااااا

وتغيرت حياتي 180 درجه

الله يرحمهااا ويغمد روحها الجنه

كملت حياتنا انا واخواني بس خف عددنا لان اغلب اخوني واخخواتي كانو متزوجين

كانت هي الحياة
كانت روح البيت ..

كانت اختي اصغر مني واخوي اصغر منها هم المحتاجين رعايه
كنت طفله وفي يوم صرت أم هم

كملنت دراستي أنتسابي وخلصت الثانوي وأن شاءاه اقدر اكمل
ودرست سنه في تحفيظ القرآن ودرست العقيده فيه والتجويد

بس غياب أمي غيرنا كثير ولا قدرت اتقبل فكرة انها خلاااااص
لاني كنت باقي محتاجه لهاا
وكل موقف يمر لي اتخيل لو هي معي كان بيكون وضعي غير

وبعدهاااااااااااا

أبوي عرض على موضوع

وكان نقطه تحول في حياتي


أخبركم عنهااااااااا بكرهـ


أتمني ما أكون طولت عليكم

نكمل البقيه في الغد أن شاءالله