ســريـــت ....
ســــريــــت
سريت في ليلٍ طويلٍ وانا امشيه
عــــل الـذي قد غاب عـني ذكرني
وأخـذت في الدنيا دروس مشاريـه
واقــــول يا مصعب غيـبتـه عــني
مــاينــفــع التشريـه لــو قلت بجيه
مـن عقب ماخلا جروحه توسمني
جـازاني بغيابـه وانا ما بـجازيــه
وبجر له صــوتي وطرقٍ يــدنــي
قـلبي ورعشة ضلوعي تناديـــــه
وكثـــر الدمــع بمفارقـــه جرحنَي
اعـــاود الـذكـرى واذكـر مواريــه
يـمكن عسـاها تخفف الحزن عنـي
ضامي مشاعر والهوى العذل يطويه
همــي وحــزني وســايل الدمـع مني
مـعاد لـي روحــه ولا ودي بطاريـه
وش لـــي بـماضٍ قاســيٍ مايـحنـــي
ومعــاد لي رغـبه ولا عــاد ابــغيــه
مـنهـو يظـن انـه فـ بـعاده قـتلنـــي
خــله وبــخلي الـحزن للـي يـبيــــه
امــا انـــا بــفرح ثـم بسـلى وبغنـي
نــــادتنـي همـومي ولا قلت لبيـــه
!!وشــلون ألبي من بفؤادي طعنّي
هــذي مشـاعر شـاعرٍ ماهي بـ فيه
ساقتنـــي أفكــاري وكتبتهــا بفنــــي
|