طفولة واحد من الناس :D
هذا أنا اللي جالس على اليمين .. شفتوا كيف كان شعري أشقر وأنا صغير :ggs:
وهذي الاسـئله : ~ ~ >
<<<< هذي إكليل :027:
* ماهي أكثر وأفضل لعبة كنت تلعبها و أنت صغير؟
كنت ألعب أستغمايه .. وكنت أول واحد أنكشف :ggs:
* نشيد كنت تحبه و دايم تردده أيام الطفوله ؟
جميع أناشيد نداء وحداء .. وكنت أموت في أنشودة " ياحافظ القراآآآن .. بوركت من إنسان "
* شخصيه كرتونيه كنت تحبها و متأثر فيها ؟
فارس الفتى الشجاع .. ومن كثر إشتياقي له .. شفته قريب .. وأكتشفت إني ماكنت فاهمه :433:
* كيف كنت أيام طفولتك مشاغب وإلا هادئ ؟ 
هادئ جداً .. جداً
* ماهو الموقف اللي عرضت فيه أهلك للإحراج ؟
ما أذكر بس على العموم .. كنت مطيع جداً
* هل كنت شخص ذو شخصيه قويه أم مغلوب عليه ؟
لا قويه ولا مغلوب عليها .. كنت أفدغ :001:
* موقف حصل في طفولتك كان له دور في تغيير مجرى حياتك ؟
في الطفولة يمكن كان التغيير للأسوء .. وهو التعرف برفاق المدرسه
* أكبر عيديه جمعتها كم ؟ ومن مين ؟
من الفقر ما أذكر :027: .. بس يمكن عشرين ريال
* لحقت ع الأتاري أو كمبيوتر العائله ؟ و أي لعبة كنت تفضل ؟؟؟
لحقت على الاتاري الأسود القديم .. وكنت أحب هذي اللعبه
* من كـان يدلعك أكثر أبوك أو أمك ؟
أمي الله يحفظها لي ..
* شو إسـم دلعك بالطفوله ؟؟ و هل لحد الآن ينادونك فيـه ؟ وليش ؟
خلودي ..
الحين مافي الا سجين الحب يقولي خلودي :ggs:
* هل كنت من المحكوم عليهم بمتابعة القناه الاولى بالصبح والعصريه ... و لا كان في قنوات ثانية تتابعها ؟؟ 
إي والله .. أنفقع قلبي من كثر ماكنت أسمع أصحابي والقنوات اللي عندهم
سبيس تون تجيب " جزيرة الكنز " .. وطفش واحد تجيب " بوجي وطمطم " <<<<< الله يطمطملي وجيههم
* عندك لعبه موجوده من صغرك إلى الآن ؟ وماهي ؟
نو .. 
* شو أكـثـر حلاوة كنـت تحـبها ؟
حلاوة طوب
* كيف كان أول يوم دراسه لك ؟
خخخخخخ
قعدت أبكي لحد ما أتصلوا على أخوي يجي ياخذني :D
* بطفولتك كنت تزعل إذا ماجلست بالاول بالطابور أوالفصل ؟
ههههههههه
كنت دلخ .. وين مايحطوني أوقف :ggs:
* هـل كـنت تـعانـي مـن أخـطاء فـي مخـارج الحـروف ؟ 
<<< ألتق !!! هههههه
بس لما أخلع شنوني :ggs:
* ماهو أجمل موقف أو أجمل ذكرى تتذكرها من طفولتك ؟
أول إنتصار لي في الشطرنج على أخوي الكبير <<<< عرفت وقتها إنه بدأ ينبت لي مخ :027:
* ما هو أصعب أو أحزن موقف مر عليك في طفولتك ؟
مواقف الحزن كثيرة بس أكثرها تأثيراً .. كان وفاة الوالد .. الله يرحمه
لأني ماكنت وقتها أفهم وش معنى إن الواحد يموت .. وفهمتها لاحقاً .. وكانت صدمه علي 
* ماهي أجمل هديه تلقيتها في طفولتك ولم تنساها لليوم ؟ 
تي شيرت نادي الإتحاد
* هل هناك إنسان معين كرهته في طفولتك ؟ ولماذا ؟
غالبية مدرسي الإبتدائي
* هل إنضربت في طفولتك - و ما أصعب مره إنضربت فيها ؟ ومن مين ؟ و هل لا زالت محفورة في ذاكرتك وسبب الضـرب وش كان ؟ 
لا ماكنت أنضرب .. لأني كنت هادي جداً
بس مره إنضربت وأنا بالمتوسطه وما أنساها ..
رحت للمدرسة متأخر .. وأول ماحطيت رجلي داخل المدرسة .. أنهالت على وجهي صاعقة من البكوس والكفوف من المرشد الطلابي وكان وقتها يضربني ويردد إنت كل يوم تتأخر ، أنا لازم أربيك ، ياابن ....
رغم إنه كان التأخر الأول لي في حياتي عن المدرسة 
.. حسيت بالظلم ولاقدرت أدافع عن نفسي من كثر البكوس والكفوف اللي أكلتها .. فقعدت أبكي
ولحد الآن مانسيتها .. وودي أعرف وش كان سبب الضرب
* هل كنت غيور بطفولتك من إخوانك وتحس فيه تمييز بينك وبينه ؟
لا أبداً .. كنت أرضى بأي شيء :001:
* مكان معلق في ذاكرتك من طفولتك ... و لما ؟
بيت جدي الله يرحمه .. كان البيت الوحيد اللي أحس إني فيه ملك .. لأن جدي الله يرحمه كان لي بمثابه الأب الحكيم
* هل ستربي أولادك بنفس الطريقة التي تربيت بها في طفولتك ؟
نو
* أوصف طفولتك بجملة واحدة ؟
الله لا يعيدها من أيام :ggs:
( إنتهت الأسئله )
إنتهت الأجوبة :D
أقدم شكري للأخت إكليل الورد .. على إستضافتها الكريمه لي في متصفحها
وأتمنى إني ماكدرت خاطركم .. وتقبلوا تحياتي