الموت حظ القلم والمجد للدفتر
....................حبر القلم غلطتي وايامي اوراقي
الخوف يجتاحني وجه الطريق اسمر
....................راح اكثر العمر ياخوفي من الباقي
ياجرح رافقتني للناس لاتظهر
....................وان عشت في نظرتي ما مت بأعماقي
ياصوت لا تلتحف صمتي ولا تصبر
....................قل ماتبي واترك الهقوه على الهاقي
والخطوه اللي عن اخر سكتي تقصر
....................ماهيب من طبع رجليني ولا ساقي
مانيب من عاش لايربح ولا يخسر
....................ولا هو ضروري تكون افعالي اخلاقي
ثراي ماينشد الغيمه متى تمطر
....................مادامها في سماي تحنّ لأغراقي
رح وين ماتشتهي رح قد ماتقدر
....................انا اول الناس في قلبك وانا الباقي
يكفيني انك تعذبني وانا اتفجر
...................قصايداً ينتظرها كــــلـــــ عشـــاقي
وانا قصيدي يجي مختار من مهجر
....................وانبت عشانه نخل وسنيني الساقي
|