( ما يوفّي قدر ابو خالد قصيد )

في محمد ولد زايد جيت انا بكتب قصيد
وانتقي أسمى المعاني علها توفي معه

واكتب الكلمات واشطبها واغيرها واعيد
ما لقيت من المعاني ما يوفّي أصبعه

ما يوفّي قدر ابو خالد قصيد ولا نشيد
أحتوى كل القلوب بكل طيبٍ يصنعه

كل افعاله حميدة وكل رايٍ له سديد
وكل مسعى يرضي الرحمن يسعى يتبعه

أعتلى الأمجاد بالحكمة وبالعقل الرشيد
لا غرابة والأصل زايد أبوه ومنبعه

حقها من أولوياته وهمومه الأربعة

غيّر علوم الخريطة وانتقل موطن جديد
ما رضى مثل الشعوب يكون داره وموقعه

شال داره فوق إيد وشال شعبه فوق إيد
وحطهم فوق السحب لجل الثرى ما أقنعه

له ملامح كالبشاير خلفها علمٍ سعيد
ينسى من ناظر عيونه كل همٍ يوجعه

وله ملامح كالأسود وله مخالب من حديد
وله جيوشٍ تفتك وتاطا العدو وتردعه

لا قوي خذ فوق حقه ولا ضعيفٍ ضيعه

وحدة الدم الخليجي مبتغاه ومطمعه

لا حرمنا الله حسه يا عسى عمره مديد
ويا عسى دنياه دايم في سعادة وفي سعه