فديتك ياهوى روحي ..

-------

فديتك يا هوى روحي ويا لبّاك ** أبي وصلك يهلْ من أوّلك لاقصاك
واطفّي بالتلاقي جمرة الأشواق ** وأبي باقي الحياة آعيشها ويّاك

أحبّك في حضورك والعطا والبذل ** واحبّك لا تغلّيت وعند الثقل
وفي لوعة غيابك يا عريقة أصل ** أحبّك وانتظر قربك ولا أنساك

أحبّك واعشقك يا نبض إحساسي ** وانت اللين لا صار الزمن قاسي
ودونك أضرب اخماسٍ بأسداسي ** ولا اشوف السعادة غير في لقْياك

والا كانت ظروفي سايرة عكسي ** لقيتك إنت اقرب مني لْنفسي
معي متواجد يا حاضري وامسي ** وكم خذت عن دْروبي ألم واشواك

جروح الروح من غيرك يداويها ** وونّاتي محد غيرك درى فيها
أحاسيسك عجزت اقدر |أوافيها ** ولو حطّيت العمْر في يمناك

تحبّني ولو كان الزمن ضدّي ** وبيْدك تمحي الدمْعات من خدّي
وهبتني هنا وازهار يا ودّي ** وانا وحدي قطفْتك وافهمك واقراك

-------