كيكة المكرونه باللحمه المفرومه

هانحتاج الآتي :

طماطم مفرومه ناعم

ثوم طازج

جبنة موزاريلا مبشورة


جبنه رومي او بارميجانو مبشورة

لحمه مفرومه
زيت زيتون
زبده
مكرونه اقلام زي اللي في الصوره
وطبعا ملح وفلفل

الكميات انتي اللي هاتحديدها مثل ما تحبي

اول حاجه نسلق المكرونه في ماء مغلي عليه ملح وفلفل
نصفيها ونشطفها بماء جاري
وماتنسوش تحطوا شوية من زيت الزيتون في مية السلق عشان
المكرونه ما تلزقش في بعضها

نضيف اللحم المفروم ونقلبه الى ان يستوى

علي النار مع الثوم المفروم

وملح وفلفل وملعقتين زيت زيتون

ونقلب لحد ما ياخد اللون البني

بعد كده نضيف الطماطم ونقلب كويس ونسيبها

تتسبك علي النار حوالي 20 دقيقه
لحد ما قوامها يتخن

في الوقت ده نبدأ نقلب المكرونه مع الجبنه الرومي


المبشوره وملعقتين زبده سايحه

ونرصها بالشكل ده في صينيه جوانبها ممكن تتفك

وطبعا ما ننساش ندهن الصينيه بالزبده

الاول ونرش القاعده بالبقسماط
الناعم عشان تطلع بسهوله

بعد ما اللحمه تتسبك نبدا نرشها علي وحدات المكرونه ونحاول نحشي

كل واحده باللحمه كويس من الداخل

في الاخر خالص نحط الجبنه الموزاريلا علي الوجه

بعد ما نرش الجبنه علي الوجه


ندخلها الفرن اللي بنكون مسخنينه قبل كده

نسيبها حوالي 10 او 15 دقيقه

لحد ما الجبنه تسيح و وشها يحمر

نفك جوانب الصينيه ونقدمها ساخنه

وممكن لو فيه صوص لحمه متبقي يتحط جمبها

دا شكلها من فوق

ومن الجمب

دي قطعة لاول واحد يعلق علي الموضوع

و من قريب

وبالف هنا وشفا علي قلوبكم