" المايكـ "

الله يحييكي ويبقيكي اختي سارونه شاكر لكي هذه الاستضافه
كما اشكر العضو قلبي مملكة ع الموضوع الرااااااائع جداا
طيب وين المايك لايكون اختنا انجال الغضى اخذته معاها خخخخخخخخخخخخخ >>>يدووور ع عذر
طيب بس شوفوا الصوت واصل ومايقطع الو . الو . الو . بسم الله . واحد . اثنين . ثلاثه خخخخخخخخخخخخخخخخ

اولا راح ابدا معكم بنبذه عن حياتي حتى تعرفووووا مين هوا زارع البسمه
زارع البسمة من مواليد مكة المكرمه ولدت فيها ونشئت فيها وان شاء الله اتزوج واموت فيها
دراستي كنت احب الدراسه وفي بعض الايام كنت اكرهها >>>لازم نكون صريحين
فالله الحمد كنت مجتهد في دراستي ولم ارسب ولا سنه ولله الحمدلله فكان جدولي ايام الدراسه ارتب الكتب واحل الواجبات وخلالاااااص يعني مذاكره مااافي بس اذا بدات الاختبارات احرق نفسي قدام الكتاب
غلقت الابتدائيه في مدرسة سراقه بن مالك ثم انتقلت الى المتوسطه بمدرسة الجزيره فكان مستواي في الدراسه ليس بالمتفووووق مرررا ولا الكسلان مرررا فكانت حياااتي ماشيه ع الوسطيه الحمدلله
كان همي عند خروجي من المدرسه اني اخرررج وسمعتي في المدرسه تكون كويسسه وبالفعل الحمدلله ظهر هذا الشي عند سؤال بعض الاساتذه عني قدام اخويا الاصغر مني ومدحهم ليا .
وبعد الانتهاء من المتوسط والانتقال الى المرحله الثانويه فكانت اجمل مراحل حياتي حيث التقيت بمعلمين واصدقاء
من اجمل مارايت فعدت الثلاثه السنوات من احلى 3 سنوات في حياتي .
وعندما اردت الالتحاق بالجامعه لم تسمح ضروفي وقتها للالتحاق بالجامعه وبالفعل للاسف لم التحق بالجامعه
والان اساعد والدي في بعض الايام في عمله .
طفولتي كنت مدلل فيها لاني كنت اخر العتقود في الذكور قبل مايولد اخوي الصغير
فكان والدي ربي يحفظه مايردني في اي طلب اطلبه
طفولتي كانت فيها ايجابيات وفيها سلبيات :
الايجابيات : اذا احد من اخواني الكبار يبغى حاجا من الوالد فانا كنت اتولا هذه المهمه لانهم يعرفوا ان ابويا مايردني في حاجا
سلبيات : كنت اكثر واحد من اخواني اضيع ع اهلي وخصوصا في جده
بذكرلكم موقف اتذكره للحين كنا خارجين معا الاهل للملاهي فجلسنا نلعب وتعرفوا ايام الطفوووله مافي حاجا اسمها ملل من الالعاب
قام ابويا وقال يالله اركبوو السياره عشان نرجع للبيت قمت انا زعلت وقلت لابويا لالا ابغا اكمل وتعرفون ابويا مايردني في حاجا
قام ابويا وقال والله يااحمد لااوديك الملاهي التانيه والحين بس يالله اطلع خلينى نروح المهم ابويا ركب السياره
واهلي ركبووو وانا دخلت الملاهي مرا تانيه وهما مشيوووو ياعيييييييييني
وانا جلست في الملاهي رجعت ادووور ع السياره مالقيتها رجعت الملاهي واتفرج ع الناااس >>>يالبى قلبي
المهم ابويا وصل للملاهي التانيه ويقول يالله يااحمد انزل عشان تلعب واحمد نسيوووه في الملاهي التانيه خخخخخخ
ابويا انفجع يقوووول احمد فينه كل واحد يدور جنبه ومو محصليني
المهم ابويا رجع السياره وماخلى اشاره في مكة الا قطعهااااا لين ماوصل الملاهي الي كنا فيهاا وحصلني واقف عند لعبه السيارات قاااام وشالني وجلس يبوووس فيا وهو يبكي والله اني اتذكر الموقف دا للحين .
كدا اكون انتهيت من مرحلة الدراسه ومرحلة الطفوله ونكمل غدا بأذن الله في مرحلة عمل الرجيييييم الشااااق وسبب تسميتي بزارع البسمه .

واعذرروني ع اللهجه العااااميه لضعفي في التعبير ياللغه العربيه الفصحى