لـــعــشـــاق الـــكـــيـــك....... وصــفـــات بــنـكـهــات مـخـتلـفه ولــــذيـــــذه

ماربل كيك النوتيلا





الطريقه اخذتها من ام عزوز
الشهيره بانستقرام وعدلت فيها اشياء بسيطه


المقادير
4 بيضات
كوب وربع سكر ناعم
علبه حليب بوني
نص كوب زيت
كوبين دقيق منخول
2 ملعقه صغيره باكنج باودر مليانه
فانيلا
رشه ملح



الطريقه
1- يخفق السكر + البيض +فانيلا حتى ينفش الخليط ويصبح كريمي
2- يضاف الزيت ويخلط قليلا ثم يضاف الحليب
3- يضاف الدقيق بالتدريج مع الباكنج باودر والملح .
الصينيه (كبيره او متوسطه واهم شي يكون لها ارتفاع عشان تنفش الكيك وتستوي شوي شوي
تدهن الصينيه جيدا بالزيت وتوضع بالقاعده ورق زيده
نضع خليط الكيك في الصينيه ونترك من العجين اقل من الربع

نضع على العجين المتبقي

3 ملاعق كبيره شوكولاه نويتلا
ملعقه صغيره كاكاو بودر مر

ثم يوضع على الصينيه ويصب من الوسط

يدخل الفرن ساعه الاربع على نار هادئه

في الوقت الي الكيكه بالفرن
نجهز الصوص الابيض

يوضع في الخفاق
ويخفق جيدا حتى ينفش
3 حبه جبن كيري
نص علبه حليب محلى لونا
علبه قيمر صغيره بارده
ويوضع الصوص بالثلاجه حتى يبرد
ويزين به الكيكه بعد ان تبرد وتقلب

ملاحظه ااذا تبغين الصوص الابيض نفس شكل الصوره
حطي الصوص الابيض بكيس وافتحي فتحه متوسطه عريضه شوي
ثم صبي الصوص على اطراف الكيكه الخارجيه (الزاويه الي على برا مو الي بالنص )
وبيبدأ الصوص ينزل شوي شوي
طبعا سطح الكيكه من فوق بيكون فاضي حطي عليه باقي الصوص وخليه ينزل بالفتحه وبيتساوي مع الصوص الي حطينا بالاطراف بالاول<< اتمنى يكون شرحي واضح

ثم يوضع في كيس 2 ملعقه كبيره نوتيلا
نقص الكيس فتحه صغيره ونبدأ نسوي خطوط على الكيكه
دخلي الكيكه الثلاجه تبرد لحين التقديم