انشودة الزمن /عيد سعود

الزمن لاصار ضدك...واحتوى درب المصايب
لاتحاول تنكسر له..لاتزيد الطين طينه
للزمن حكمة غريبه..تحكم بدرب الصعايب
وياكثر من ضيع الفرصه..وهي فرصه ثمينه
عز نفسك في زمانك..لاتقول الحظ خايب
سوق عمرك للمعالي واكسر النفس الحزينه
والطريق اللي تشوفه يرسم الدنيا عجايب
مد يدك في طريقه لين ماتمسك يمينه
والرفيق ان طال وقته لاتشك.. وكل غايب
حجته دايم معاه ..ولاتقول فلان وينه
ولاتكابر بالمصيبة لا حكو في اغلى الحابيب
قول غالي وكل غالي تكرم لعينه مدينه
والبلا واكبر ومصيبة ..لاتناسوك القرايب
تصبح الدنيا ظلام...وتصبح اللحظة حزينه
وقتها لاعاد ينفع ..لاعتاب ولاطلايب
والزمن والحظ الاقشر..اتركه واترك سنينه