مسابقة اجمل خاطره للأم ..

يطيب لي ويشرفني أن أساهم في هذه الصفحةٍ الرائعة بأبياتٍ متواضعة لا سيما وانها تتكلم عن الأم ، فمهما كتبنا ومها قلنا ومهما فعلنا لن نصل إلى أبسط جزءٍ من حقوقها الجمة علينا

عسى الولي يا أمي بالخيـر يجزيــك
................................ وعسى السعــاده ماتفـارق محيّــاك
يا ناظري يا عــلّ عينــي ما تبكيـــك
................................ حياتي من دونك ما تســوى بليّــاك
لو العمر يعطَى من مخلوق لاعطيك
................................ ما يسوَى عمري عند أدنى عطاياك
أفــديك بعيـوني وبالقلــــب أفديــــك
................................ واعطيكِ روحي لاجـل بسمة ثنايـاك
كم كنت في صغري متعبِك ومشقيك
................................ ولا صرت انا مرضـان زادت بلايـاك
ياما سهـرتِ الليــل والنــوم يجفيـك
................................ والى بكيت اتضيق بك رحــب دنيـاك
أنــام مرتـــاحٍ بلمســــة أيــــاديــــك
................................ ولا فتّحَــت عينــي تبــاشَر برؤيــاك
خوفـــك عليّ وانا كبيــــرٍ يباريــــك
................................ أما نصيحــه والا شـــور بوصـايـاك
ماالحـق جزاكِ وجنتي تحت رجليك
................................ عسى الولي يغفــر ويدمــح خطاياك
مالِك مثيــل ٍ ياللي بالقلــب أغليـــك
................................ منهــو يجـــي مثلك بطيبــة نوايـاك
مهما فعلنــا وقلنــا والله ما نوفيــك
................................ أبسـط حقـوقـك ما نســوّي سوايـاك

أكرر شكري وامتناني لكِ أيتها المبدعة ( فرح ) على هذه اللفتة الكريمة

تقبلي تحيتي وجل ودي