قصايد من ذهب ||

تعبت أكذب على نفسي وأردد لأجلها : لا باس
تعبت أستنطق حظوظي .. عبث هذا المدى كله !
عبث هذا المدى ليلٍ أحس إنه عديم إحساس
تضايق مثل صدرٍ ضاق حتى مات من غلّه
يقولون السجن : غرفة وباب وثرثرة حراس
وعمرٍ من ملل وأحلام مخنوقة ومعتلّة
وأنا سجني ضلوع الصدر وإنسَ أصحابي الجلاس
وحيد والندم شخصِ يمون أكثر من الشلّة !
أحس إن الندم شيخٍ عزيزٍ ما إنحنى له راس
تعوّد يتبع المذنب بتالي الليل ويذله
لك الله يالشعور اللي غدا للصادقين لباس
مصيبة لاعتبرنا الصدق في هذا الزمن زلة
تعبت أكذب على نفسي وأردد لأجلها : لا باس
تعبت أستنطق حظوظي .. عبث هذا المدى كله !


محمد الاسمري