سجال الشعر والمشاعر

فلان عز الخوي . . وفلان ماله خـوي
حكمـه زمنا وحنا نحسـب انـه كـلام
عليـك باللي ليا جا لـ الكـوارث دوي
اما غدا لك سند والا غدا لك حـزام

مـن خلقـت الدنيـا الى أيامنـا ذي
والناس تطـرد رزقهـا ماكفاهـا

ما فيـه بالدنيـا ولاكائنـ(ن) حـي
الا يموت وعايش(ن) فى رجاهـا

الموت ماهو رجعة الطين للطين
الموت لا من قيل للصابر اصبر

وليا انحنت لله روس المصلين
ماعاد للأصوات غير الله أكبر

لا اقبل زمانك صارو الناس زينين
لكن تعال ودوّر الناس لا أدبر

ردوا سلام اهل القلوب المواليف

عن الوليف اللي نشد عن وليفه

ردوه لعذوق النخيل المهانيف

وعلى القصور اللي بوادي حنيفه

دارٍ لها بالقلب عشق وتكاليف

يا عل عينٍ ما هوتها كفيفة

هل يستوي جحادت الملح والزاد
مع الذي طيبه ملا مجمع ايديك

كان بعيونه ملك عزي وذلي
وش تسوي بحالتي باقي الصفات!

لا عيون عيون مثل عيون خلي
لا مهاة ولا مع باقي البنات

آتأمل في حلاها ما أملي
وارتجي منها رجاوي وامنيات

شفت فيها الوصل وآشوف التغلي
شفت فيها الموت وآشوف الحياة

مقتطفات من قصائدي ,,

تقليبْ الموآجع بالسوآلف مآ " يفيّد " ..
وصَح .. إنْ الصمتْ قآسيّ وأقسَى منْ صمتيّ ( الكلآمْ ) ..
بسّ .. لا صآرت حيآتك سجّنْ مُظلمْ وأنتْ قيّد ..
مآلكْ الا لآ تعبتْ تطيّر " أهآتك " حمآمْ