سجال الشعر والمشاعر

يا ساحر الصوت شنف بالمقام اذني
الين ملح العيون يهل ماطرها .

. واذا تبعثرت لا تحاول ترتبني
انا كذا وأبخص بروحي وخابرها .

انا الضاحك بوجه الحظ لو حظي عليه غيوم
لعل ايامي الجاية ؟ تغيث القلب وتسرّه

هذا أنا و الوجه باسم و مشروح

وجهٍ بروقه لمعظم الناس لاحت

كم محزنٍ بنى على شوفه اصروح

و كم نفس من طارف عطاه استراحت

الله وهبنا عز و أمجاد و طموح

و ذكرٍ على جدران الأيام ناحت

تصفق بنا الدنيا مثل صفق الارياح
وما قول غير الله يديم العوافي

تركض بنا الدنيا على خف وجناح
والعمر ينقص والليالي مقافي

لذاتها تشبه سنا البرق لا لاح
وصكاتها مثل السيوف الرهافي

يابنت من قاد الصعايب وهن عوّج
وقلوب عدوانه من الغيظ تدما
لك بالشرف قدر ومدارات وبروج
واسمٍ تنومس هيبته بين الاسما

أبيات شعر ماهِي لشخص وأسباب
‏أطلق عنان الفكر لـ أبعد حدودّه
‏أرسل غزل آو حب آو شوق وعتاب
‏وكل وآحد يترجم على حسب مودّه

هي سكة الوصل و إلا سكة الفرقا
خيرتني بينها و أخترت ما أجاوب

على غصون السوالف ناحت الورقا
وليل المعاتب بعد يوم الرضا ناوب