" المايكـ "

يابويه ليه تبكي كل ماشفتـك وعينـك لـي
تخاف أموت يابويه وقبل المـوت تبكينـي

كفا يابوي لاتبكي وأنا موجود معـك وحـي
أجل بعد الرحيل أشلون في قبري توطينـي

يابويه لو تموت الناس ماتسوى دموعك ذي
وانا يابوي ميت قبل أموت وأنـت محيينـي

قسم بالله يابويه لجل عينك شربـت الغـي
جرعت الهم والحرمان وبحر الويل يسقيني

تحملت السنين اللي طوتني في عذابي طـي
وصار الجمر بكفوفي وتحت أقدام رجلينـي

يابويه ماعلى عمري حسافه ولابقابي شـي
ولكـن بـــطـلبـك يابـوي تكـــفـا لاتخــلـيـنـــي

يابويه ماابي غيرك يغسـل جثتـي بالمـي
وتكفا قبل لاأتكفـن يابويـه فكلّـي عينـي

بأمر الله يمكن ألمحك وأرحل في عيني ضي
وودع وجهك الطاهر مع دنيـاي وسنينـي

وخل الناس تحملني وترفع راسي ورجلـي
وتاخذني على قبري وتكسب أجرها فينـي

واذا جيت القبر يابوي نزلني شوي شـوي
ووجهــنـي لبيـت الله وقبلـة المصــليـنـــي

واذا تقدر أبي صورتك أمانه حطهـا بيـدي
لعـل الله يشفــعلـي اذا صورتـك بيديـــنـي

وحط الطين وادفني وعز اللي يعـزي فـي
ثـــلاث أيـام يابويـه يــجونـك المعزيــنـي

ورابع يوم يابويه تذكـر ضحكتـي وعنـي
تذكر ويش كنت أقول يـوم أنـك تنادينـي

تذكر يوم كنت انام في ظل النخـل والفـي
تجي يمي تصب الما على وجهي وتصحيني

تذكر جر الموال وصوت في حبالـه كـي
تذكر يوم أغني لك قصيدي وانت توحينـي

تذكر ضحكتك لاقلتلك يابوي عشقـي هـي
تذكر كم قصيـدهـ خافيـه مابــينـك وبينـي

تذكر كل شي ٍ كان وأذكر يوم جابـر حـي
ولكـن أسألـك بالله يابـــويـه لاتـــبكيـنـي

جـــآبر بن هــآيف العتيبي ...