سجال الشعر والمشاعر

تخرسيه الكون لامنك حكيتي
وتجمعي الايام وهيه تنطرح

‏حابسٍ له فِي دفى حضني شُعور ،
لَـو يجي بعلّمه.. وش كِثـر ( أبيه)

هذا وقلبي معك خليتني ضدك
من شاف ما يكرهه يعاف ما حبه

‎هو سيد القلب و غيره حلف لاصده
‎هو راس مالي و خطواتي بخطواته

‏هبّت الذكرى على القلب ما منها ذرا
‏كل خافي في ضميري تحاول تظهره
‏'
‏يا وجودي ليت الايام ترجع بي ورا
‏قبل اعاني همّ ليلي و ضيقه و سهره

‎هو سيد القلب و كل الكل من قده
‎داخل ضميري و يلعب با تجاهاته
‎هو تاج راسي وشوقي واصل حده
‎هو كل كلي و قناعاتي .. قناعاته

هذا الشعور الممتلي 'رغبة والم'
مايشبه الا حلمي الصعب العفيف
مثل الكلام اللي يمر إذن الأصم
مثل الملامح في خيالات الكفيف

فكرٍ لمح في خاطري واستقرّا
واطفى لهيبٍ بالحشا شَبّ ناره

‏↓
‏ٰ
‏
‏هآت صوتك خل أوجآعي تطيب
‏حسكك انت يَ بعد حيي عـآفية

‎هذا السهر: من اسولف قصة "المغفى
‎ينام باحضاني واغطيه "يديّني"