سجال الشعر والمشاعر

فيني الفراغ الكبير ال ما بقى به شبر
ما فاض منه الحنين وإمتلى بالجراح !
يا أول العام : طاحت من غُصون الشعر
أوراقي الذابله و تْبعثرت للرّياح
و جيتك فِ ذاكرتي وْجيه وقصايد تمر
برمي أثَرْها ورا النسيان هذا الصباح
و اهرب عن الخارج لْ آخر حُدود الصدر
وانزع من من الداخل الحزْن العتيم الرّماح
وارسم لي دروب محفوفه : بياض وزهر
و اركض عن الضيقه لْ آآخر مدى الإنشراح

حنين ( العود ) يغمرني
ويجبرني : ( جبرني الوقت)
مواعيد المطر ( جمعة )
وانا ارض ( السبتْ )
عطش ياصاحبي .. ( بردانْ )
عطش والماء معي ( دفيان )
حنين العود ( يسريبي )
وابوح بآخر اسرار الوله والعشق
وانا عيبي
مهو بكيفي ..ومن طيبي ..
أعيش افوقتي الكاذب واقول الصدقْ ..!

قريتيني .. وأنا مدري

قريتي آخر الأمثال ؟

( يقولون افزمان .. أوَّلْ

إذا حطَّتْ حمامةْ .. فوق سور الدارْ

ومن حول المكانْ ..اصغارْ

هذاك يقول ذي ( حقتي )

وذا يرمي عليها حجارْ ..)

أنا يا بنت ما يبقى من حروفي شعر ينقال

قريتي آخر الأمثالْ ؟!! :

( أنا قلبي حمامةْ ضيَّعتْ صدري

وحطَّتْ فوق سور الدارْ .. )

روحي فمان الله ورعايه الله
مع السلامه رافقتك السلامه
وانا ليا غنا المغني لليلاه
جريت صوتي في طويل العدامه
وغنيت لك ياتل قلبي من اقصاه
ولاحيت مع وجه العصير الحمامه

هواية ٍ يستلذ إبها وهو في صِباه
والظاهر إنها تبي تكبر معه لا كبر
لو إيتمثنى حريره ضفتين القناه
قامت تغني له الامواج يا ( أسمر عبر )
وستارة القلب يادوب إلتفاتت مهاه
وتقدها من قِدم وتقدها من دُبر

‎رحت ادوّر حبيبٍ مثلك ابغى استشيره
‎واثر ما كل زولٍ ينتعوّض ب(زول)
‎جيت ناسٍ تزوّد حيرة القلب حيره
‎قلت : "اطيع الزمان وكل شدّه تزول"
‎قالوا : "العمر يكبر" قلت : "كذبه كبيره
‎عمر الانسان يصغر كل ما هو يطول"

ليه الدواير تنتهي مع دربها اللي تبتديه؟
ليه الشوارع ساكته .. والناس كلٍ في هواه؟
ليه اليدين تصدّ عن شيٍٍ تبيه وتشتهيه؟..
يوم العيون تسابق الجايع على لقمة عشاه

‎هيه وين انت يا للي كان ما فيه غيره؟!
‎يفهم اللي اقوله قبل حتى لا اقول

لأن الورد لو مازاد بين إيديك مازادك
تركت الورد وأعجبت بثلاث ٍ جوك من بدري

يبغى زمانه يعود ويرجع الغالي
وشلون يرجع بعد ماطاح من عيني
لاالوقت وقته ولاله شي في بالي
أنا نسيته مثل ماكان ناسيني