سجال الشعر والمشاعر

دام فعلك كبير ..
ودام راسـك سما
لا تدوّر رضى
اللي ما يدوّر رضاك !

ياصاحبي صبرك ترىٰ الدنيا كفاح
محدٍ على وجه البسيطه مستريح
اللي يبي القمه ومكسور الجناح
واللي على القمّه وخايف لا يطيح

حتى جناح العَتَب لرضاه ذليته
ماطِرْت بعده فرح من ذلّ جنحاني
يا قلب صبرك .. ترى كل شيّ سويته
ما كان أفضل من اللي كان بإمكاني
لو بيّ قوه على الهجران؟ خليته
لو بيّ ذره من النكران؟ يفداني

ياليل ياكثر العتب والمشاريه
وقلب يفوز بطعنته كل غالي

ماباقي الا نعطي القوس باريه
ونصبر على رماح الجفا والتعالي

لاطاح حظك ماحد جاء يصحيه
وان قام حظك عد روس الجبالي

يا مرخص قدر الغلا وانت غالي
جنب وخل العلم دقه وجله
ما عاد فيها للمشاريه تالي
عجزت اروضها على كل مله

هو ما درى ان العلاج بدون رشته
نظرة غلا ويتعافى القلب طوالي

ياللي فطمت القلب مازال مفطوم
عن حب غيرك ملتزم بالفطامي
وجدي عليكم وجد من ضيٌع العوم
قصده يعوم وفوقه البحر عامي

‏ياهاجسي حدك على المقبله فوت
‏طال السهر والعين في شوفها طمس
‏البرد يدفى فيه.. من يلبس الكوت
‏والشوق برده يمرض الخاطر العمس.

سلم وخل الشوق يسبق سلامك
اتركني احيا فيك عشق ومحبة ..

‏هو أدرى بالخفى وهو أعلم بالشعور
‏هو يدري بكل شي بس كنّه ما درى