سجال الشعر والمشاعر

كلي تعب وانا اتحرى الظروف تزين
يا صبري على طول انتظاري ويا قوي

يا مغادر بقيق تكفى لا أتعداني
ياكيف تبعد وقلبي تشتعل ضوّه؟
تكفى دخيلك طلبتك والطلب حاني
حان الطلب والطلب لا قلت لك سوّه

هارب من كل شي إيخصّـني
والسوالف في فمي ماشلتها
لنّي إن سولفت عبرة إتغصّـني
وآتحسّـف ليتني ماقلتها

أبي للناس اسولف بك واقول اللي يصير يصير

واحسك سالفه لو سولفوها شوهوا زينك

كن السوالف معك ينولد لها جوّ ثاني ؛
أنا أشهد إن عذب الحكي عندك مبتدآه

‎هاك صدري فلّ ضلوعه ِصيغها بيديك سور
‎يحبسك فيني أماني .. قاربت للإنتصار
‎و هذا قلبي روض ورّق لإجلك إحساس وشعور
‎ما يضيره إنتظارك .. طالما الناتج ِثمار
‎لا أمحلت بِيد السوالف .. ماطر أشعارك يزور
‎كلّ شبرٍ مات فيها .. ينفث ابروحه عمار

راضين في حكم المقادير راضين
مايكتب المولا له النفس تنساق
والرزق عند الي خلقنا من الطين
و الناس ما تملك مفاتيح الارزاق

قسم بالله لو الدمع يفرج كربة المظيوم
فرج دمعي همومي كلها من جال لاجالي
وقسم بالله لو للعين سلطه مابقت لليوم
تهل الدمع من فرقا حبيبن فالحشا غالي
لكن الصبر نعمه والفتى يحيا على المقسوم
وكلٍ مايحوش الا نصيبه فأول وتالي

ياهيه ياللي تكتبون القوافي

خفو من ابيات المفارق وطاريه

تكفون بيحتوا كبار الخوافي

لا توجعون القلب مافيه يكفيه

‎هذا أنا لحالي هزيل الحال وأشعر بإكتئاب
‎كن قلبي جال بحر هاجرت عنه الطيور
‎أجرع الفرقا وأقول الحب عذب وللعذاب
‎كل قلب لاحرمه الوقت من خلّه يبور