سجال الشعر والمشاعر

نورت كل أيام عمري وكوني
ذكراك هي روحي حاشا ما نسيت

طاريك أربكني وحرك سكوني
الله عليك شلون تسحر اذا جيت

هات جفنك للسهر في مقبلاته
و أفهق انعاسك و لا تطري مبيته

ما بقى للفكر من شرّد بناته
غير شعر كل ما يُكتب محيته

هــآدي وَ فيــني ضــجّه أحــزان وَ جــروح
عــايـش وَ لـكـنّي أعيــش بـ رتــابه

تــرهبنــي الــدمعـه ليــا جيــت أبــابــوح
وَ أســكـت وَ أبــرد حــرتي بــالكتــابـه

هات من لهفة العاشق ومن دفتره
ذكريات .. الرسايل/ والصور/ والغرام
غربة الليل: (ليل وشاعر يسهره)
وحدة الليل: (ليل وعاشق ما ينام)
يعتريني شعور لو كتبت أكثره
سال جمر العتب لرضاك برد وسلام
ما نسيتك، وربي، لكن المعذرة
.. ان جبرنا الخواطر .. ما كسرنا العظام

مثل الورق ناشف وضامي ومبلول
ويجرفني احساسٍ من الروح نابع
شعرٍ يسيل وينكتب لي على طول
كنه يقطر من علوّ الأصابع
الطيش: عاشق يتبع القلب ويزول
والعشق: طايش قلب ويموت تابع
شفني وأنا جايع/ وضامي/ ومشغول
أشوفني فاضي/ وراوي/ وشابع !!

عبث هذا المدى ليلٍ أحس إنه عديم إحساس
تضايق مثل صدرٍ ضاق حتى مات من غلّه

يقولون السجن : غرفة وباب وثرثرة حراس
وعمرٍ من ملل وأحلام مخنوقة ومعتلّة

وأنا سجني ضلوع الصدر وإنسَ أصحابي الجلاس
وحيد والندم شخصِ يمون أكثر من الشلّة !

هذي السنين أوراق تتخطف بقاياها الهبوب
هذي الهبوب اللي تلم أوراق عمري مرحلة

الحلم يا فرحة طفل .. والعمر يا وجه شحوب
والعين غيمة من ضما .. والقلب صحرا قاحلة

هنا كان الحكي أعمق .. هنا لو للصدق مقياس
عرفت إن الثمن أتفه من أتفه شيٍ تمله

خسارة ربح ما تعني بعُرف المنصفين إفلاس
ولا تعني بقلب المؤمن إلا : ( ما كتبه الله )

هي الشمس .. لو غربت مشرقيه

هو البحر .. موطن ومنفى النوارس

بقا بي من الكل .. كل البقيه

شغب ضجة اولاد صرفة مدارس

الا يادمي .. يادم الرازقيه

مية عام مسجون من غير حارس!!+

سلَّمت لجدار العنا باقي اتعاب
قبل اشحذ الفيَّة مْن زْهاب جافين

ماعاد ليلك ناي والحانك شهاب
ولاعاد فجرابي فضااا لجل تخفين

حلمٍ توارى والفنا يحرق اهداب
يشعل على الوادي عبارات تكفين