جريمــة سويتهــا وأنــت صغيــر

والله وطلعت مجرم يازارع الورد كان المفروض يسجنونك 3 اسنين حرام عليك كتكوت تقتله والله انك مجرم

شسوي يا اخوي ( شبح الليل )

شقاوة .. أو ممكن تقول ..خبالة ..

هههههههههههههه...

هههههههههههـ
الله يسعدكم عليكم جراااايم تحفه

والله وطلعتي ياشموخ السنه اكبر مجرمه

وحتى اهداب يؤؤ عليك اقلام نعديها لكن دخاااان لااا << اكررررره شي اسمه زقاره اذا شميت ريحته عورن بطني ///

وانت ياقلبي مملكه منت صاحي شنق مرره وحده لا بعد معلقينها 3 ايام مجررررمين

وزارع الورد بعد تقربها للقطوه حررام جالسه افكر بامه وهي تشوف كتكوتها بفم القطوه

ويامثق ياواحد من الناس بس كان نفسي اعرف شنو عقابك // ^_*


بنتظار جراائم اخرررى ونفسي والله اسمع جريمه لا اعز الناس // ^_^

يعني إنتي ما لك جرائم (جرائم حرب )خخخخخخخخخخ

في صغرك .. يالله طلعي المستخبي

يا( إحساسي يكفيني ) ...بلاش اظهار
البراءة والوداعة الزائدة ..

والله جرايمي قليل
الجريمتين الي اذكرهم الجريمه الاولى تقريبا كنت سنه ثالث ابتدائي
كنت انا وخالي الله يرحمه انا وهو نفس العمر مابيننا الا ليله وحده
فاذا كنت عندهم نكون اغلب الوقت مع بعض كنا نلعب دايم بالبرحه الي قدام بيت جدي
فكان في ولد الجيران يقهر كرررريه دايم اذا شافني العب بالتراب يتغافلني ويكب التراب على وعلى لبسي
وشعري يقهرر فمره قررنا انا وخالي ننتقم منه وش سوينا جبنا سطل الالعاب وعبناه مويه وتراب فصار طين وسايل مره وكان الولد وينه عند روحه يمشي وعلى باله كاشخ هو ووجهه حنا جينا من وراه وتررررررررررخ كبينا التراب الطين عليه وهربنا للبيت هههههههههـ
وكل الي فيه جلسو يضحكون عليه // ^_^

والجريمه الثانيه وانا بثالث برضو او ثاني كنت محب اروح للمدرسه فيوم من الايام كذبت على زوجه ابوي
وقلت لها ان المدرسه قايلين غيبو اليوم لاتجون وخربطت عليها لحد ماصدقت ^_^
ورجعت انام يوم صحيت الظهر اثريها كاشفتني اني اكذب وقايله لابوي اني كذبت عليها ولا رحت للمدرسه
ههههـ عاد مب قايله لكم شكان عقابي // ^_^
هذي الجرايم الي اذكرها بس بالعكس كنت هاااااديه ومسالمه مرره وانا صغيره // ^_^

ههههههههه يازينكم والله تخوفون بجد مجرمين والله انا شخصيا عندي سجل اجرامي من الطفوله الى المراهقه واكثرها اخوي كان يتكفخ من تحت راسي واذكر لكم وحدة من جرايمي
طبعا الوالد الله يحفظة متزوج ثنتين عاد شوفو شكثر العيال
المهم انا طلعت شيطانه احقق مصالحي والباقي يتكفخون واعليه
كنا دايما نخلي ابوي ينام ونتجمع في غرفه اخواني نلعب بلاي ستيشن وكنت انا دايما اراقب واحذرهم واحيانا اخليهم يروحون فيها خخخخخخخ
ومرة كفشنا الشايب الله يحفظة انا على طول دخلت تحت سرير اخوي وماشافني والباقي تكفخو عاد انا طلعت اضحك عليهم وتجمعوا علي ويضربوني كلهم وانا اصرخ بكل صوتي وبعدين جاء ابوي وفكني منهم وعلى فكرة دايما يناديني شجرة الدر لأنهم يتجمعون ويضربوني بالجزم وانتم بكرامه ولزق فيني اللقب (اذا عجبتكم الحتوته قولوا لي علشان احكي لكم المغامرات الباقيه)