سجال الشعر والمشاعر

هذا عليه الرضاوتلد له عيني
وهذاك معه الهوى يمشي على هونه
العذر لله وأنا وشعاد بيديني.
هب الهوى والشجر مالت به غصونه

هـــذي دنياك كـلـهـا هـــز قـــاووق
ما تعرف الصاحب مـن اللـي معاديـك
اكـثـر كــلام الـنـاس بالمـكـر والـبـوق
يـهـرج مـعـك والـيـا تقـفـيـت يـرمـيـك

كم كلام راح في نقله نفوس
وانت ماتاخذ على نقله فلوس
لاتفتش كل حب فيه سوس
كم تخوض الناس في قال وقيل
صون عرضك من ملاغات السفيه
واترك الكذبان سودان الوجيه

هذا زمان الخير والمجد والجاه
كلٍ يقول المجد و الجاهـ ليه
يارب الوذ بوجهك الزين و ألجاه
من الفتن و الشرّ و الجاهليه

هاذي فعول اجدادنا واكتبنه
ياصحف خوف يطول وقته وننساه
لنا الفخر بأفعالهم فعل واعلننه
فعلٍ على وضح النقا ماسرقناه

هذه من شهود أفعال أهلنا
وتضاف التاليات لسابقتها
ويوم مريحه والرضم حنا
ويا كم من مراضيع أيتمتها

حيا الله اللي يغيب ويسرع الرده
اللي يجيني الا منه تباطاني

ياعزيز الجاه علام الغوايب
من دعاك ادعات مخلص تستجيبه

هداك الله لاترخِص مقاماً غلّته
بيض المواقف دون وجهٍ يحتمي طويلته

ماني عزيز القوم لاصارت دموعه ذلّته
أنا عزيزٍ ذلّ من ربّه ومن جهيلته

هذاك ماني في مخاواه طماع
من قبل أجيه وخاطري منه طايب
أمـّـا الرجال اللّي .. لهم بالوفا باع
وقفاتهم تبري الجروح العطايب