سجال الشعر والمشاعر

‏الشمس تشرق على كل الوجود
‏وانت تشرق في وسط صدري هِنا
‏،
‏نور شمس الكون يتعدى الحدود
‏ونور حبك .. ينعش احساسي انـا

‎أول سبب أنت
‎وآخر سبب أنت
‎عشمت قلبي بالهنا
‎حتى تمكنت
‎فرشت لي درب اللقاء
‎ورد وحرير
‎رسمت لي صحراء الظماء
‎نهر وغدير
‎واليوم قلبي في يديك
‎مجروح بالصمت

تلقى الكرامه عند ريف الخطاطير
وتلقى اللكاعه عند راع اللكاعه

مافالبشر مخلوق من غير تقصير
مير القيام يكون بالاستطاعه

هي من شَعَل نار الغرام و فتيله
هي شمس عمري هي ملاذي و ظلّي
يا قلب سامحني على كل ميله
مثلك على طول الدهر سامحٍ لي
يا قلب ما نرضا عليك الفشيله
لكن لخاطرها الكرامه توّلي

ياحادي الحلم عندي مانقص قدرك
في البال تبقى وهالنسيان مو حولك !
لازلت واقف بوجه الريح وانتظرك
لو كنت عايش شعوري..طحت من طولك!

كنك الرجم وإيديني تبي تطلعك
وآتمايل وأصير معلق ٍ في حجر
لا وصلت لغلاك ولا قدرت أجمعك
ولا بقى بين هالثنتين غير الصبر
يا كبر قدرك بقلبي ويا مسرعك
لا تمشيت مع دمي وأشوفك تمر

رحت يوم إرتوت فيني عذوق الحماس
مثل من ياخذ اللقمة من فم الفقير
عندي إحساس وشوية رجاوي و ياس
وما بغيت أزعجك مدام وقتك قصير
قلت أبنساك يمكن هالمسافة تقاس
بين ذاك الزمان اللي مضى والأخير

‎رحمتك يارب لامن ضاقت امنحني وساع
‎أنت حسْبي في الزمان الجاير ونعم الوكيل

لو تضحكين ينشرح صدر الأماكن

وشلون أجل صدر اللي يحبك !

كف المخاليق لاتعطي ولاتمنع.
المعطي المانع الخلاق سبحانه.
والمال مافيه نفسٍ منه تتقنع.
لوتملك من الذهب وديان مليانه!!