موقف تتمنى أن يعود مرة أخرى لتتعامل معه من جديد

من المواقف الحزينه والمؤلمه والتي لاتنسى..


لما كنت عند اهلي استقدمنا خادمه اندنوسيه يوم وصلت ارتحنا لها
وكانت صغيره في السن 17 تقريبا.. وماسوينا لها الفحوصات المطلوبه
تركناها كم شهر لانشغالنا بمرض الوالد بعد فتره لا حظنا عليها التعب
اخذناها للمستشفى وسوينا لها الفحوصات طلعت مصابه بمرض خطير
وقرروا لها عمليه رفضت هي وقالت بسافر واسويها عند اهلي
حاولنا نجهز اوراقها باسرع وقت وقبل سفرها بيومين..
كنت انا وهمس في الطابق الثاني ننتظر صلاه الفجر وقبل الصلاه بساعه
سمعنا امي تنادي نزلنا بسرعه اول ماجا في بالي والدي توقعت فيه
شي ..لما نزلت شفت الخادمه متمدده على الارض قربت منها ولمستها
عرفت انها خلاص فارقت الحياه .. اخذناهاا للمستشفى واكتبوا اسباب وفاتها
عانينا الكثير في التحقيقات وسين وجيم لكن الحمدلله عدت على خير
وارسلنا جثمانها لاهلها ماقتنعوا لين شافوا الورم الي فيها..
تمنيت انا سوينا لها العمليه لكن قدر الله وماشاء فعل ... الله يرحمها

تعمدت اكتب هذه القصه للعبره من لديه عامله او عامل فلا يتاخر
في الكشف عليه واجراء الفحوصات الازمه للتاكد من سلامته..

يعطيك العافيه شموخ..

يعطيك العافية أختي مرجانية على ذكر هذه القصة
للتنبيه والحرص على عدم تأجيل كل ما يتعلق
بالإجراءات والكشوفات الصحية لأهميتها ..

نسأل الله أن يغفر لها ويرحمها بواسع رحمته ..

.. الحين كل المواقف اللي تتذكرونها محزنة

تذكروا شي يفرح

شموخ .. لي عودة بأذن الله

اقتباس:

المشاركة الأصلية كتبت بواسطة نفسي عزيزة

.. الحين كل المواقف اللي تتذكرونها محزنة

تذكروا شي يفرح

شموخ .. لي عودة بأذن الله

ألغالية نفسي عزيزة
تعطرت الأجواء بعطر تواجدك الزاكي

تقبلي ودي ومحبتي

اقتباس:

المشاركة الأصلية كتبت بواسطة اعـ الناس ـز

يعطيك العافية أختي مرجانية على ذكر هذه القصة
للتنبيه والحرص على عدم تأجيل كل ما يتعلق
بالإجراءات والكشوفات الصحية لأهميتها ..

نسأل الله أن يغفر لها ويرحمها بواسع رحمته ..

الفاضل أبو ذياب
أزدان المتصفح بزيارتك الكريمة
ونسأل الله الأستجابة اللهم أمين

تقبل تحياتي وتقديري.

فاصل
وين المواقف زين لو نحصل موقف لسيارة
(كان اللبق سيارتي في الموقف ــهههههههـ
المعذرة اختلطوعلى المواقف
بين مواقف السيارات ومواقف الأوادم
رجعنا بعد الفاصل
حتى لو تعود المواقف
اتمنى نفس المواقف ماراح اغير اي شي
لان كل حاجه حصلت هي مقدرومكتوب
ولا نقدر نمنع القدر
الى نقول الحمدلله انها جات على كذا
هي هي

رجعنا ..

مره حضرت زواج الله لا يوريكم
كل وحدة تقول للمكياج الزود عندي
تقولون مهرجات
صفوا أهل المعرس و أهل العروس في
الاستقبال صفين ما عرفت أفرق ما بينهم
كلهم نفس المكياج الظاهر متزينين في مشغل
واحد
كل وحدة طامسه حواجبها وراسمه فوقها
قوس واصل للأذن
و حاطة رموش بلاستيكية مثل رموش مريام
في سكن الطالبات
والتسريحات شوي وتوصل للثريا
سلمت و سألت عن أخت العروس اللي
عازمتني ..
وين فلانة ؟؟ قالوا لي توك سلمتي عليها
و رجعت من الاحراج اسلم عليها مرة ثانية

لو رجع نفس الموقف أكيد بدقق أكثر
و ماراح اسلم مرة ثانية و يمكن ما اسأل عنها

شكرا شموخ

ههههههههههههههههههـ ياكثر مايحصلي بس من صالحهم اسلم عليهم مرتين << لاياشيخه ههههههههههههههههـ

والله انك صادقه أشبهه شي لهم المهرجين فاهمين الميك أب بالمشقلب ههههههههههههههههـ وأحيانا أشك أنهم سابحين كل جسمهم بدقيق الفاخر هههههههههههههـ ..

والله أنهم مطانيخ هههههههههههههـ لاتعلق يهبلون يهبلون يهبلون يكفي انه دافعين دم قلبهم عشان يكشخون ^_^

ههههههه

الحمد لله يعني مو بس أنا

همس .. لك ود و ورد

تحياتي لك .. شموخ