سجال الشعر والمشاعر

أمشي على حد الجفاف .. ولا بخاف ..
ولأخر الدنيا أروح ..
ادورك عطر يفوح ..
بين التعب ..
خلف السفر ..
وسط الجروح ..
مانيب أدور للشقى ..
مير الرجا ..
القى من الحب الكفاف ..

في البدايه .. كان لي دنيا وحكايه
كنت اعطي ما امل .. احتري بارق امل
ابي عشرتنا امان .. عشره تكفي للزمان

كنت عاشق .. كنت هايم .. كان قلبي ما يخاف
كنت اظن العشق دايم .. من هنا صار اختلاف
اثر ما شفته دعايه
من البدايه للنهايه

‏هات صوتك خل أوجاعي تطيب ..
‏ حسك أنت يابعد حيي عآفيه

هذا الورد في غربتي
مثل الوطن في غربتكــ

في ريحته يبقى وفا
لو بعثره ذنب العطر

ريحه زهر مدري كما ريحة الند
واللا كما ريح الخزامى ليا فاح

واللي كسب مثله من الناس يسعد
وأنا بعيد ولا اكتسب منه الأرباح

هونك على المتاع يا سهيّف القد
حبك لجا فالقلب لاتظن ينزاح

حارت اقدام رجلي في محلي ذراع
ما اقدر المشي قدامي و لا ارجع وراي

صرت مثل الغرير اللي بسن الرضاع
أتضيم و اصيح صياح من غير راي

يلعب ويضحك ما حسب لوعة الود
وأنا جريح وهاجس القلب ما ارتاح
وده شغل قلبي وهد الجسد هد
وهو طبيب ومفتهم كل الأجراح
وأنا صبور وهاجر الروح بالضد
لكن خايف طيلة الصبر ينباح
وده مزايمني ومنه الجسم شد
وأنا منه محروم إن جاء وإن راح

‏حداني رقيق الحزن غصبا بليا طوع
‏وتتالت علي الأيام والحزن يبرالي
‏
‏انا لي وليف منه حبل الرجا مقطوع
‏جبرني غلاه وقصرت دونه حبالي❤

يُوم ﺎلخميسّ ﺎﻟيُوم گنّہ ﺑدىَ غيّر
گنِي ﺎﺣسّہ يُوم فيّـہ ﺎختلٱفِي !'

متفَائل بالخيّر يّـاللہ ﻋسَى خيّير
فالِي وفال ﺎهل ﺎلقلوبْ ﺎﻟنظافِي

يوم جيت البيت ماشفت رواد يروده -----مالقيت الا العصافير وأشجار النباتي
قلت يالجيران هالبيت من ذير عنوده -----علموني بالخبر والجواري جارياتي
قالوا الجيران سافر ولا نعرف وجوده -----هقوة أنه يطلب العلم بين الجامعاتي
وأهله راحوا على موتر(ن) يطوي عموده -----وأنتووا مصيافهم بالديار البارداتي
قلت وين القاه قالوا من ورى الغربي حدوده -----في ديار(ن) ماتعرف البراقع والعباتي
أتصل بأنكلترا والمطار أسأل جنوده -----ياعسى تلقى الخبر مع مدير الطايراتي
قلت يرجع بالسلامه ويوفي لي وعوده -----وأتمنى له يجيب الشهايد عالياتي