سجال الشعر والمشاعر

نصبر على الشّدات لو شيلنا مال
لو سال دم دفوفنا ما شكينا

نخاف يلقى سدنا كل ختّال .
ويبني هزيلات المعاني علينا

اصبر على همومٍ كثيره تلزك
وقف على حيلك ولو كنت تعبان

عاند زمانك في طموحٍ يكزك
لو قالوا : ان معاند الوقت خسران

قلوب خلق الله بعضها تعزك
واكثر من اللي تعزك قلوب عدوان

تطرى عليّه كل ماهبت النود
لو قمت اسولف عنها سنين مامل

تحكى مطر خضّر معه يابس العود
دافى السوالف هددت هيبة التل

بـ غيابها ماعاد به شى موجود
بـ حضورها يتوحد الخل والخل

‏لو الوفا قد العطا كان ما كان
من عضة النكران تشكي يدينا

بس الوفا فطرة تجي بطبع الإنسان
ماهي على قد العطا لو عطينا ..~

إنتي وانا ما همنا غدر الأزمان
ترى الوفا اللي داخلك من طباعي

إذا زعلتي لو رضا كل زعلان
ماحس قلبي للرضا فيه داعي

ومادام عينك راضيه هان ما كان
لو تزعل الدنيا لها ما براعي

ي أھل الشعر ي ساھرين الليالي
ي اللي ليا نام العرب ما ٺنامون
وش قولڳم ف اللي فقد حس غالي
لا نامت عيووون العرب بات مغبون
__________________

نطحني ليلة البارح .. يصالي جمرة الغليون
ضعيفٍ عزة البسمه عليه .. وضاقت شبوره

فتق صدره حنين .. وجر صوت الصابر المغبون
تواسيه الدموع .. ونبض قلبه يجرح شعوره

مواريه الجروح وهمهمت صوته عن المكنون
نطيش دلال رسلانٍ بضو السمر منحوره

هذا القلم حبره من قلـوب الاحبـاب
وشلون مايكتب من الطيـب للطيـب

انتـم تصبـون المحبـه بـالاهـداب
وطشيت انا دمعـي بعيـن المكاتيـب

وشلون ادور من ورى شعري القاب
وانتـم تشبـون المحبـه تراحـيـب

بين القلم وأصابعي والورق شوق
عشرين حولٍ .. من كتبت القصايد

من يوم بان القلب .. واخفيت بالموق
دمع .. وغـدالي بالمحبه .. وعايد

كتبت ما كني على الشعر مسبوق
وقريت ماكن افـ قصيدي .. جدايد

ونزفت لين اتعبت لا حصل اعروق
وسهرت لين امست نجومي قلايد

دام اجي واحسب لكم ميـة حسـاب
والله مايلحـق قصيـدي عـذاريـب

الشعر له فعـل وتواريـخ وانسـاب
يصيب هقوات السنافـي ولا يخيـب

وهذا الشعر ادري له حضور وغياب
وبقلوبكم مثلي حضر لو هـو يغيـب