{ المساجلة الشعرية من الألف للياء }

ذكرتك يا زمان أول كثر مافكري يتجول
مع أيامك مع سنينك مع شوق ٍ معاك طول

ذكرت الناس بالديره ومبدا الجار والجيره
وناس ٍ من بساطتها تجيك بعالي السيره

( ر )

رحلت بالتفكير بين الليالي
انفض غبار الوقت بالفكر عنها
استرجع اللي فات واللي مضى لي
لحظات مرت مايقد ر ثمنها


(ز )

زرعتك يـا درب الامـل حـب واشـواق
حـتـى كـبـر زرع الـهـوى واحتـويـتـه

ماكنت احسبك يالهوى قـرب وفـراق
حـتـى ذبــل ورد ٍ بـديـنـي سقـيـتـه

( س )

سقيت الورد بيديني .. حرست السّور والشبّاك
وهو دايم يعاونّي / يجي / ويوقّف بصفّي
وفالآخر حرق زرعي / وهَدّ السور / ( والأشواك
نثرها في ظلام الدرب ) .. غريرٍ ناويٍ حتفي
تألّم خاطري منّه .. وربٍ خالق الأفلاك
أنا مابيه يتألّم إلى من طاح من طرفي


(ش )

شمس الضحى مالت في ميلها في

ياسعد من هو يتقي في ظلاله

له موعد في كل يوم لنا حي

وان غابت جروحي وروحي فداله


( ص )

صباح النور يايومٍ نشوف أغلا الحبايب فيه
ويومٍ مانشوفه فيه ماهوب ابرك ايامي
يغيب عن العيون ولايغيب ليا رقدت أوحيه
واشوفه واتخيل صورته فالنوم قدامي


( ض)

ضوي طفت عقبك و رمّد حطبها
حرام عقبك لا ولا عود مشبوب

حتى معاميلي على الجال كبها
جنبت خلق الله كما حال مجروب

( ط )

طَفَيتْ، وِضْلُوْعِيْ -حَطَبْ قِلَّةْ وِصَالِهْ- رَمِّدَوْا
وجِفِيتْ، والنِّسْيَانْ -إِنْ أَمْكَنْ- فَهُوْ أَحْرَىْ بُهُمْ
هُوْ الفُرَاقْ، وْذَبْلَتْ غْصُونْ اللِقَا وْمَاتْ الشَّدُوْ،
مَا عَادْ لِيْ بْعِيْنِينْ مَا سَالَتْ دُمُوعْ عْتَابُهُمْ
هُوْ الفُرَاقْ، أَبْعَدْت، وْكِلْ طٍيُوفَهَا عِنِّي بْعَدَوْا،
أَغْمَضْت عَيْنِيْ، خُوفْ لاَ تَلْمَحْ بِقَاْيَا اسْرِابُهُمْ
يَاْ صَاحِبْ الدَّرْب إِنْشِغِلْ عَنِّيْ إِذَا دْمُوْعِيْ بِدَوْ،
لاَ تِكْتِرِثْ، دَامْ البدُوْ صِلْفِينْ مَهْمَاْ صَابِهُمْ


(ظ)

ظنيت في ربعـي ولا خـاب ظـنـي
وانـا احمد اللي يودع الظن ماخـاب


( ع )

عرفت وجيه بالدنيا لقاها ما يسر الحال
وعرفت وجيهٍ أجبرها الزمان تعيش مغصوبه
و عرفت إن مابها غير الأخوة بالحياة ظلال
وعرفت إن العمر قصة صراع بلوح مكتوبه


(غ)