ماضينا يحكي شعراً

يقولون كان فيه واحد حضري ( من ابناء المدن )
معطيه الله من الخير الشيء الكثير, ويعمل بالتجارة
ويتعامل مع البدو ( سكان البادية الرحل )
وكان يدينهم واحياناً يسافر للبادية

يبيع بضاعته ويجمع ماله من ديون عند بعضهم ..


وفي احد الأيام شاف بنت من بنات البدو وعشقها
وتعلق قلبه بها ..

ولانه ابن اصل وعزيز عليهم وصاحب مال وكرم
زوجوه عندما خطبها وبذل لها النفس والنفيس,
واسكنها بقصر جميل, واكرمها كرماً بالغاً,
ووفر لها كل ماتحلم به أمرأه من طيب
العيش والمسكن ..


ولكن هيهات أن يطيب العيش بالمدن والقصور
لمن ألفت الصحراء وجوها ..

وصارت هالبدويـه تحن لعيشتها قبل ..
حيث أنها ترى أن حياة البادية هي الحياة الحقيقية
وأن ما سواها ليست بحياه ..
وما عادت تصبر على هالجدران والأبواب المسكرة ..
وهي اللي متعوده على بيت الشعر..
والشوف على مد النظر...

ومره من المرات هاضت عبايرها وقالت هالقصيـده...

يامن لقلب كن فـي داخلـه نـار
نـار لهـا بمصلفقـات الهبايـب

عسى وطنهم ما تسقيه الأمطـار
حطـون فيهـا والـراس شايـب

صكو عليه بين ضلعان وجدار مثل
الربيـط اللـي بعيـد القـرايـب

يامن يدني لي من الزمل مذعـار
اشقح من القعدان مشيه نهايـب

أبـا انحـر دار شبابـة الـنـار
عمي وابويـه ناطحيـن النوايـب

طبعاً زوجها يوم سمع بالقصيـده والأبيات !
أيقن أنها لن تطيق صبراً عن البادية وعن
أهلها وربعها فأشترى لها المطية التي تتمناها
وكل ماترغب من حلي وكسوة ..
ورحل بها معيدها لأهلها معززة مكرمة