سجال الشعر والمشاعر

[محمدبن عبدالعزيز]

هات ما عندك على الحشمة جبه
صدري أرحب من سما الفج الوسيع


فيني الحب أصدقه لا أكذبه
جيت كلي شاريٍ لله يبيع

الدليل الفكر والياس اتعبه
كم نهاه القلب ولكن ما يطيع

[مجبورة]

عيت عيونك لدمعة عيني إتراعي
ماتردع الظلم وإلا منك تنصرني

كني معك في سواليف المساء واعي
حتى بنومي تمنيني وتنهرني

[محمدبن عبدالعزيز]

يا َحآطِب آلليل دوك آحطب موآجعنآ
نبي نعيش الحيآة بـ"طَعمهآ الثآني
.
خذنآ معك ( للفرج ) وإحذر ترجعنآ
ملّت مزآميرنآ .. من لحْننآ آلفآنـــي
.
فـ ِصدورنآ زفره وغرقى مدآمعنآ
آحطب دخيلـك بقآيآ حِزننآ الجآني

[مجبورة]

ياخي حتى الحزن

من حزنك

تألم !!

ومالقى غيرك

يضمه

وانت غيرك

مابقى لك !

تجمع جروح الليالي

في يديك

وينتثر قدام عينك

حلمك اللي كم عنيت له

ولا مرّه عنالك !

كيف حالك ؟

وكيف هو طعم

الغياب

اللي ارتمى حولك

ولا شح بوصالك !

[محمدبن عبدالعزيز]

كيفـ حالكـ...؟
كيفـ حالكــ ..؟
ياترى للحين صبحكـ
من سواد الهـــم
حالك !
كيفـ حالكــ؟!
ياترى قادر تعايش
هالحياهـ..
أو على خبري:
لحالك ...!
ردَ..
قلي؟!
افتح جروحك ..
واعبرها تجلي !
وجاوب بنفسك:
سؤالك...!
كيف حالك؟!

[مجبورة]

كنّه هو ..؟!

وشافته ,

وضاعت الخطوه وتاهت ..

وقَّفَتْ ..

خطواتها شوق وحنين ..

نظراتها موت وأنين ,,

شافته قدّامها

ما قوت تنطق / حبيبي ..

آه يا طعم الفراق .. آه يا همٍ يُراق

آه من حبٍ يذلّ ..

آه من وقتٍ يفرّق ما يضمّ

[محمدبن عبدالعزيز]

ما ضمّته !

ما ناظرت حزنه وهمّه ّ

اختفى خلف النّهار

راح يتذكّر اغانيها القديمه :

( وينك انت ووين انا )

( العنا )

( هذا أنا )

سيّل الشارع بدمعه ..

صار يصرخ في الهوا ,

والنّاس تتهافت عليه ..

مسكين ..

ذبحه البين ..

قام يتلفّت وهو ينفض غبار الأرصفة ..

كنّ ماحد يعرفه ..

وهي تطالع من بعيد ..!

كنّه هو ..؟!

وشافته ,

وضاعت الخطوه وتاهت ..

وقَّفَتْ ..

خطواتها شوق وحنين ..

نظراتها موت وأنين ,,

[مجبورة]

نفيت لاجلك كلّ حاسد وحاقد

وجيتك وطن ماله "تضاريس" وحدود

[محمدبن عبدالعزيز]

دايم أردد وسط بالي يمونون
بس هاه.. ماعمري نطقت بعطوني

أرمي المراجل ياعسى فيهم تكون
ولا قد لقيت الا طلبتك تكوني!!

واثر المراجل هم لها وجه وعيون
ماتعيش في شخص ....ودوني

[مجبورة]

يقولون السجن : غرفة وباب وثرثرة حراس
وعمرٍ من ملل وأحلام مخنوقة ومعتلّة

وأنا سجني ضلوع الصدر وإنسَ أصحابي الجلاس
وحيد والندم شخصِ يمون أكثر من الشلّة !

[نفسي عزيزة]

تقول " أبشر بعزك" والعرب مجتمعة
ويوم جيتك ما لقيت "اللّي ولا بأنت اللّي "

فزعتك مثل الرسايل في نهار الجمعة
بعضهم لو قام يرسل ، ما يقوم يصلي

[مجبورة]

ياخير من يفهم ظروف المحبين
ان قلت هوه صدق ماغير هوه

يفزع معي فزعة هل الدين لدين
ويشيل همي كلما شب ضوه

[محمدبن عبدالعزيز]

هذا أنا كلي رجعت اعـــزف هيامي
رافــــــع راسي وقلبي بين أيديـــــه


موغريبة لية ما راجع في كلامي
اعترافي بالخطا ما هو خطية

[مجبورة]

هيه وين انت يا للي كان ما فيه غيره؟!
يفهم اللي اقوله قبل حتى لا اقول

رحت ادوّر حبيبٍ مثلك ابغى استشيره
واثر ما كل زولٍ ينتعوّض ب(زول)

جيت ناسٍ تزوّد حيرة القلب حيره
قلت : "اطيع الزمان وكل شدّه تزول"

[محمدبن عبدالعزيز]

لاتلومني لابديت اخاف واحاتي
كل حاجة غاليه ماودي اخسرها

ولاتضايق اذا كثرت جياتي
ضيعت فيك السنين وجيت ادورها

[تحت الظل]

احدن ليا شاف ثقل الحمل شاله
واحدن ليا شاف الثقل قال بعدين
واحدن قبل تنخاه يحذف عقاله
واحدن بعد نخواك يسقط من العين
واحدن خريش القلب يخشى ظلاله
واحدن شجاع يدوس روس الثعابين
واحدن يصرصر بالصراير رياله
واحدن رياله ماعرف وجهته وين
واحدن ينومس ذكر طيبه خواله
واحدن عمامه من خواله بريين
واحدن قبل ينطق يثمن مقاله
واحدن يلوط لسانه اقصى الدواوين

[مجبورة]

نعم . نعم تيار بقعا مشابي
حزني غيوم ودمعتي هاطل الغيم

لكن ابد مهما تعمق صوابي
مااقتنع واعلن للأقدار تسليم

ايماني اقوى من قوي اكتئابي
وامالي اكبر بالليالي المقاديم

[محمدبن عبدالعزيز]

مدام أنا معهم .. ومنهم وفيهم
أرداهم إن خان المواثيق ماخنت

ماني بـ بايعهم ولا مشتريهم
هم مثل ماكانوا وانا مثل ماكنت

أنا أخوياي إن جيت ابشره عليهم
ذكرت تقصيري معاهم وهونت

[مجبورة]

ترى العمر سجه والليالي سوات الحوت
وترى الوقت يقضي يا..كما اللعبه

تغانم وسج اقدام رجليك قبل يفوت
شباب تدنيه الليالي وتراجع به

وانا مانصحتك خايفٍ ماتحصل قوت
لكن الشجيع ليا شراها تشجع به

[محمدبن عبدالعزيز]

هيه يامن تفتش دفتري وشتبي
كل بيت يمرك اعرف انه جريح

وكان ماكفاك شعري يخلف الله تعبي
مايخلد ويبقى الا القوي والصحيح

يالقصيدة تثني واطربي والعبي
في زمان بوجهه اللي هقابه شحيح

دامها بالبدايه للنهايه حبي
لايغرك قوي العود باكر يطيح

[مجبورة]

حنا ولفنا هالرصاص اللي بالاحضان ارتمى
عقب الحمام اللي ولفنا في سما مسرى النبي

حنا على بير السلام اللي ذبحنا بالظما
كل اغبيانا يحلفون ان الزمن هذا غبي

[تحت الظل]

ياخوف قلبي
يجيلك يوم و تصدمني
و تمشي على جروح قلبي و تنكر احساسي
اخاف لا يوم تلقاني و تسألني
شفتك انا وين ذكرني
ترى ناسي !

[محمدبن عبدالعزيز]

يطرون في باله من الحين للحين
واذا ذكرهم هلت دموع عينه

وتجدد أحزانه بقايا من أسنين
وجودها ينبش جروحٍ دفينه

تكتب على بيبان عمره عناوين
فكره قطار وذكرياته مدينه

[مجبورة]

هـــلي الجدايل.. ظــلليني عـــن الشمس
و داري جــبيني عــن لهيب الســـمومي

لا تســـــــاليني.. عن عذاب مضى امس
انـا نصيتك هـــارب مــن هـــــــمومي

ما تـلمسين الجرح في مهجـــتي لمس
جــــرح الهوى ما يسترنه هــــدومي

يظهر على صمتي.. ويــنزف مع الهمس
وبدمعةٍ يفضح.. بقـــايـــــــــا عـلومي

[محمدبن عبدالعزيز]

يـمـرّونـي ... مـثــل ريـحــة هَـلِــي .. وأتـلـحّـف عـيـونـي
أخــاف إن فتّـحـت عيـنـي .. يـفـز الـشــوق مـــن عـيـنـي

وأنــا مـــا أحـتـمـل خـيـبـة عزيـزيـنـي عـلــى ظـنـونـي
وهُــم أدري بـهـم مــا يـصـبـرون إن مـــا عـرفــوا ويـنــي

[مجبورة]

ياخذكْ متسللة من سور نسياني
عيا يموت الورق وين يحيا طيني !

شاعر تلبّسني الصبح وتنفسّني
ياخوفي اني حزين ولا تمرّيني !

آآه من فجر ألم ادوّرك وينك ؟!
همهمت ب الم وعد وتيّهت نصفيني !

مرّي على الشعر يا منّك تذكرّتي
شوفيني اشلون احبك بيني وبيني !

[محمدبن عبدالعزيز]

ياجارة النبض لو "جوّاي" ماكفى
أكلت قلبي قبل يقتات "تخميني"
يا طفلة الما تعبت اضيّمك واجفا
وأرويك من ضيق صدري بعض "روتيني"
سخيف هذا الزمان شلون ماقفّى ؟
الا ودمّي يشك ب أنزه سنيني !
البارحة ينفث الشبّااك للمنفى خذي يدين "
الطفولة " واتركي فيني :
هذا السهر: من اسولف قصة "المغفى"
ينام باحضاني واغطيه "يديّني"

[مجبورة]

يالصاحب اللي ماسأل في غيابه
تبحر مراكب حسرتي في شواطيه

لي خافق شتت أنين الربابة
ياخي برحيلك خافقي وين أوديه؟

لي قلب مثل المرجلة في عتابة
ان قال احبك اخضعي له وحبيه

ويبقى غرامك ضيف ماطق بابه
كل ما نعس حدب المحاني تقهويه

[محمدبن عبدالعزيز]

هذآ الصحيـب اليـا حسبـت الاصآحيـب

اعتــزّ فـي شكلـه ، و جنسـه ، و نوعـه .. !


أحــلآ تحيّـآت .. و مـــوّده و تـرحــيــب

( مـن خـآطرٍ بآلحيـل يتنـا رجـوعـه ) .. !


خـلّك علـى خبـري كمـا نـآدر الطـيـب

اليـا احرقتـه النـآر .. يزداد روعـه

[مجبورة]

هذي حكاية قريتي ، رغم التعاسه يضحكون !!
جيلٍ تبع جيل وبقى حبل السنين يتلها

لاتسأليني ليمتى تبقى اجاباتي ظنون !!
لاجيت احلحل عقدتي يصرخ زماني خلها

[نفسي عزيزة]

أنت ِ عيونك سالفة

ما اظنّ يكفيها عُمر !

[محمدبن عبدالعزيز]

رجعني لوقتي او رجع لي اوقاتي
عامين تنطرني وعامين ناطرها
وتقبل الود والشكر وتحياتي
ياساكن الروح والروح ومشاعرها

[مجبورة]

الكرامه و الوفا كل الطموح
لا نسيتي اذكري هالكلمتين

جت من الله زين قلتيها بـ..روح
كلمتك هذي أنا أنطرها سنين

[محمدبن عبدالعزيز]

نظرت إلى الشعر: ماذا تريد؟

فقال: نعيد ليالي الشباب

فقلت: ترى هل تفيد الأماني

إذا ما ارتمت فوق صدر السراب؟

وساعة صفو سترحل عنا

ونرجع يوما لدار العذاب

[مجبورة]

بعثر على درب الاماني سنينه
تضحك عليه بلاد ويلوذ ببلاد

ليا ظمت ذكراه ..يمطر حنينه
وتغرق ملامحهم ولاينقص عناد

وين الامل..وين السعادة ووينه؟
يقوده الوقت الرمادي وينقاد

[محمدبن عبدالعزيز]

دارٍٍ لهـا بالقلب عشــق وتـكاليف
يـاعـل عيـنٍٍ مـاهـوتها كـفيفه

طـبنا وشـبنا وأتـعبتنا المشـاريف
والمـرقب العـالي هبـوبه عـنيفه

يا وارديـن العـد .. كفـّوا المغاريف
اللـي بقـى دمـعٍ هـماجٍٍ ذريـفه

[مجبورة]

هوجاس يقفي وهوجاس يجي مقبل
اصبحت منجوم لا عارف ولا قادي

الحزن بين الضلوع الاصعب الاسهل
صعب تفاديه ولكن سهل يزدادي

هم مسلح غزا خفاقي الاعزل
وشلون أبرقد وهمي حارب ارقادي

[محمدبن عبدالعزيز]

ياليل ياريف العيون المساهير

انا دخيلك لاجفى النوم عنها

ما هوب ذنبي لاعصتني المقادير

واصبح خفوقي للمصايب وطنها

أحدن فراقه عن عيوني تباشير

وحدن فراقه ياخذ الشوق منها

[مجبورة]

الله أكبر دندن الفكر بالنغم الحزين
القلم يرقص علىالحرف والقلب يعوي

الهواجس ليلها ليل ، مير الله يعين
أترقب طلعة الفجر والليل سروي

من عيون الشعر خذت السمين من الثمين
أتخير شامخ القاف وأحطه خوي

[محمدبن عبدالعزيز]

ياعيـون الشـعـر هـلـي المـدامـع قصـيـد
وانظمـيـهـا قـلايــد فــــوق جــيــد الـمـهــاه?
رصعـيـهـا ذهـــب والـمــاص تـــوه جـديــد
مــن جـواهـر صدفـهـا غـالــي مـشـتـراه?
واندبـي مـن سمـان الهـرج مقطـع فريـد
إبـتـكـارات مـابـغـي مـــن قــديــم الــــرواه?
هاتـي اعلـوم جزلـه وانتـخـي كــل جـيـد
واتــركـــي كـــــل عــلـــم مـايــبــل الـشــفــاه?

[مجبورة]

هالليل به مني وفاه وسماره
وبه حزني اللي يطربه لحظة غناي

جاتك وما جاتك فضا هالعباره
بيت واحس اني نزعته من اقصاي

لو كان في حزن الاوادم شطاره
كان اشطر الشطار من " يعزف الناي "

[محمدبن عبدالعزيز]

يا ليل خبرني عن أمر المعاناة
هي من صميم الذات ولا أجنبية

هي هاجس يسهر عيـونـي ولا بات
أو خفقة تجمح في قلبي عصـية

اوهي صرخة تـمردت فوق الأصـــوات
أو ونة وسـط الضمايـر خفـية

[مجبورة]

هزيت بيبانه وصحيت الاهات
وانهل دمع مابعمري ذخرته

واخضرت غصون الحزن والمعاناة
والصمت ليّل بالضلوع وسهرته

كل اكثري تلعبّه الريح لاجات
يامن يجمعني ليا من ذكرته

[السحر الحلال]

هلت العين دمعه وانتثر فوق خدي
يوم شفت الكتاب وشفت هاك العلامه

أزعج الصوت وأرجي عل خلي يردي
ياحياة المولع و ياحياة الندامه

ياحسين الدلال ويا مبيح بسدي
رد قلبي نهبته من محاني عظامه

اشهد اني عطيت والمقادير ضدي
دوك قلبي من اسبابك رمنه سهامه

عن جميع العذارى قلبي اليوم صدي
ما يريد المعنى كود ظبي العدامه

ودي اني قريب ٍ منك بالحيل ودي
عل عين ٍ تودك تهتني بالمنامه

[محمدبن عبدالعزيز]

هاك كل القصيد اخذه مثل ماتبي
والله اني اغبط الخاطر المستريح

كيف لاجيت بكتب أحترق بلهبي
شمعة ماتحس بعمرها من تسيح

كل شاعر ترى لو هو تشاطر غبي
يطرب الناس شعره وهو جروحه تصيح

[مجبورة]

حشّمت راسه عن حديث الطماني
وعزيت شانه يوم غيري تبلاّاه

مرات احس الشعر غلطة زماني
وإن غاب لجّت هالحنايا تبي ماه

لولاه قلّي وين ابلقى الأماني
بالله قلّي ويش أنا اليوم لولاه ؟

بي جرح لامنه براني براني
يحطب أمل صبري من اقصاه لاقصاه

[محمدبن عبدالعزيز]

هلا هلا ياجرح دقيت بابي
تفضل ومامن غريبين يمّي

هذي تناهيدي وهذا عذابي
والشايب اللي مرتكي ذاك همي

[مجبورة]

ياهمي الي لو يزول العمر كله مايزول
ياقرب من الي في يدي وابعد علي من السحاب

ياصيف عمري ياربيع العمر ياغلى الفصول
يافرحتي ياسلوت الايام يانواع العذاب

[تحت الظل]

بدلي الرمل بأمواج البحر
واتبعي الغيم تحملك الرياح
سافري لين تبكين المطر
واضحكي لين ما يضيق البراح
ولا تعبتي وحسيتي بضجر
خلي الشوق لديارك جناح
أرجعي في ابتساماتك عذر
مثل ما الدمع في عيني سماح
انتي العين من طول النظر
وانتي القلب من كثر الجراح

[مجبورة]

حَقّاً؟ خُذيني

.../ حوضُ أحزانٍ وماءُ اللّيلِ/غُصْنا

واقتسمنا قمرَ الماء، يقيناً

تحلم النّجمةُ أن تسكنَ بيتاً مِن قَصَبْ.

[محمدبن عبدالعزيز]

بينـي وبيـنـك روابــط حــب وسـلـوم

شـبـت وشـابـت و وافتـهـا المـنـيّـه

اخــاف اجيـهـا وانــا مانـيـب مـعـزوم

واجـلــس بـلـيـا فـــراش ومـقـدريّــه

اصبر واثابـر واسـاوم وافـرق السـوم

وامـدهــا مـــن كـفـوفــي حـاتـمـيّـه

[شموخ]

الأحد 22 محرم 1438


‏هات لي من صوتك الرايق قصيد
‏مـن زمـن مـا عـاد بالساحة شعر
‏،،
‏صـح قـلـبـك لـو تـقـول ولـو تـعيـد
‏انـت هـمساتـك و أنـفاسـك عطـر

[مجبورة]

رددي "رحماك ربي" يا موطني

رددي ..

عند كل صباح

نشيد فقد الصباح!

"ألا كل شيءٍ ما خلا الله باطلُ"

[تحت الظل]

لو سأل عني أمانه بلغوهـ
قولوا .. : عنّك توّها أمس اسألت
وإن نسى يسألـــ عشاني... ذكّروهـ
وان تذكّر لاتقولون ازعلت
جات تسأل قلبك... " اللي غيّروه "
مالقت قلبك وصدّت وارحلت ..!

[مجبورة]

تزعل وترجع وتلقاني على خبرك
وانا انكسر لك واجيك ادوّر لجبري

طيفك وذكراك طيلة غيبتك سبرك
وشوقي لشوفتك طيلة غيبتك سبري

امحق وليف ومحبه والا اقول ابرك
حسبي عليك اعشقك وانت اتحفر قبري

[مرتاح]

‏يـا الله ترزق كل ضـايق و محتاج
ياخير من يُسْأل و يـ أجود من اعطى
.
وتشفي مريض مالقى طب وعلاج
وتغفر لمن طاوع هوى النفس واخطى

[مجبورة]

النفس خزنة ملك والحزن قاطع طريق
الجروح يوجر عليه المسلم اليا أحزنه

وأنا من العام وأنا أشعر بيبسان ريق
فرج سجيني مع عيني وأرد أسجنه

من بين طيات صدر شل ما لا يطيق
ا جاع حزنه تعشى جروحه المزمنه

[تحت الظل]

هذا أنا يا سلسبيل..
لو كانت غصون الحياة لعين محسوبك تميل..
واثمارها تساقطت حولي.. وانا جالس ملك..
أموت ما مديت يد.. وما اشتهيت..
كيف اشتهي تفاح غيري؟!.. مستحيل!!

[مجبورة]

لا تقول وش تحب فيني اعشقك كلك
مـن لـيل شعرك لكلك واخر اقصاها

سـميتني نـصفك الـثاني وياشحك
انـا بـسميك كـلي وانـت مـعناها

تـعبت اوديـك لـه يـاقلب ويردك
لا اخـذ حـلومي ولا خلاني انساها

[شموخ]

‏🌸
‏الكمال لله و الخطا طبع الإنسان
‏والدرب يفرق عن يسّاره يمينـه
‏
‏والصاحب اللي له معزه وله شان
‏إن جاني بـ شينه تذكرت زينـه .


ة

[مجبورة]

هلا ... يا حزن ...

هلا بالصاحب الطيب ...

ابد ... لو تبعد قريب ...

هقيت إنك مع الفرقا ... تبي تنسى حنينك لي ...

هقيت انك بعد مليت ...

من الماضي عذابك لي ...

عسى ما جرحك فرحي ... عسى يا حزن ...

أنا لو خنت في جرحي ...

وضيعني ... الهنا ليله ...

ترى ما في يدي حيله ...

هقيت إني لمحت النور ...

بيمسح دمعي المبهور .. بمنديله ...

سحرني حلو ترتيله ...

لما يسري في الفضا .. نجم السهاد ...

[محمدبن عبدالعزيز]

دورت عذر لضيقتي وانعزالي
واثر الجروح استنقضت من لحدها

نفسي قضت والله عليه اتكالي
يارب زدها حلم يارب زدها

اصبرت صبرا فاق صدر الشمالي
وارقبت من فوق الحرار وهددها

الله يسامح ضيم سود الليالي
مابين وش كانت ومابين قدها

استفردتبي لين قدني لحالي
وجابت على نقاض جرحي جهدها

[مجبورة]

الشعر بوح وهاجسي يكره البـوح
وشلون يلقى كاره البوح راحـه

الطعنه اللي حاولت تاخـذ الـروح
ماخلت بصدر الشمالي مساحه !!

[محمدبن عبدالعزيز]

هب الحنين و طآحت بـ صدري غصون
يآما ايْبسَت من جدب الأيآم والبعد ،
كنت أرتوي من نبع أمل قآل :
بتجون .
ومآت الأمل ظآمي على ضفّة الوعد!

[مجبورة]

دنيا غريبه وسيرها فيه عبرات

ندفن مصيبه وتنبت أغصان وفروع

[محمدبن عبدالعزيز]

عسانا نبقى طول العمر احباب
نكبر ولانتقص محبتنا
نشتاق لبعض اذا احد منا ابتعد او غاب
ونفرح من قلوبنا اذا اجتمعنا

[مجبورة]

الحب سجن وبعد الاحباب الاعدام
وقلوبنا السجّان مدري مساجين

الحب نوم ٍ عمره اشهوور واعوام
وان قمت ففهمها فرااق وسهر عين

[نفسي عزيزة]

نــكتب على صــدر الخيانة سهالات
ونكـــتب على صدر المحبة حسافه

تــعال نـــكتب دامــها شــعر وأبيات
لو ما على حـــزن القــصايد كــلافه

[مجبورة]

هذا انا ياصاحبي حلمي الاقي لي اجابه

لا انفجر صدري وضاقت دنيتي بحروف ليه

[محمدبن عبدالعزيز]

هاك صـدري شـوف بعيونـك متاهـات الغلابـه

فـي شـوارع هالحنايـا كـم متشـرد نـزيـه ؟؟

لا قبل عطف السنين .. ولا رضـى بسلـم الذيابـه

ما سئل كود الامانـي .. يـا الامانـي جاوبيـه ..

ويش اقول وويش اخلي .. والبـلاوي مـا تشابـه

غير لا قالت في قلبـي لا حشـى مالـي شبيـه !!

[مجبورة]

هيلت فنجال الكرامه وقهويت
أرقى الصعاب وكيف لا صار سهلا

لا تعتذر ما همني كانك أقفيت
بأستقبل إفراقك بأهلاً وسهلا

[تحت الظل]

الضيق ما هو بالسعه والمساحه
الضيق لا ضاقت بك قلوب وارواح
والبعد عن ما تكره النفس راحه
من لا توده فارقه يوم ترتاح
والكبر لله والتكبر بجاحه
والوقت نصه جد والباقي مزاح
والصوت حشمه وارتفاعه وقاحه
كذاب من قال انطح صياح بصياح

[مجبورة]

حنا نصون أهل الوجيه المفاليح
ومن صاننا لو عاند الوقت ماطاح

نسّرح اللي بايع الحب تسّريح
عندي الكرامه رفرفت مثل الأرواح

راح الغلا يكفيك ياطير تلميح
أرخصت نفسك والعوض فيك وضّاح

[تحت الظل]

حنيني غصب يدفعني وياخذني الوله يمك
وابد ما اظن تمنعني مسافات الظمى عنك
تراك انت الوحيد اللي بقالي وهمي وليتني همك ..

[مجبورة]

كُلمَا أَنبَتَ التَناسي سُلوًا

جَذَهُ مِنْ قَبائِلِ الشَوقِ لِصُ

خاتَمُ الوَصلِ باهِتٌ فيْ يَميني

لَمْ يُزَيِّنهُ مِنْ لِقائِكِ فصُ

مُتعِبٌ أَنْ تَكون دُنياكَ رَهناً للمُنى

والمنُى بِدُنياكَ شَخصُ

[تحت الظل]

صاحبي .. والخفقه آللي ما خنـقها إلا التغلي
قلّي وش أسوّي بـ نفسي .. إذا نفسي تبـيك
لي ثلآث شهور وانت تمر في آلبال ..وتولّي
كن مالي شغله إلا كل ما غبت ..أحتريك

[محمدبن عبدالعزيز]

كن الاوجاع بهدبها نازله
غايتي بليل ظلامه مايروح

بيني الايّام وبينه عازله
كل ما مشيت له عنّي يروح

وعيّت الخطوه تجي منازله
والهوى بالقلب وهّاج يضوح

[مجبورة]

حارت دموعي في عيوني وصديت ..
.. وأرمشت مابيها تبين .. وطاحت

وعقبه برق في العين براق .. واسقيت ..
.. خدي ووناتي بصدري تلاحت

وأنا أحسب إني في فراقه تشافيت ..
.. وان عبرتي من مدخل الزاد زاحت

[محمدبن عبدالعزيز]

تدري وش أعظم شي بعيون الانسان
انه يشوف انسان يسوى عيونه

يعني :تشوف الناس في كل الأحيان
وتحس كل الكون غايب بدونه ..!

[مجبورة]

هنيك يا نجوم تناظرينه
و انا مالي على النظره مجال ِ

و لكني ولو شابت عيوني
احب الليل و نجوم الليالي

صبرت وكل حي لو تصبّر
الى مالت ليالي العمر مال

[تحت الظل]

لو كل هم ّ يمرّني ، يمرّ بـ سلام
ما كنت اسولف للسما وانزف أرق

و الآدمي لا طاح من طوله وقام
وحاول يعيد اللي مضاله أحترق

أحيان ودّك تفرش الغيم وتناااام
و تصير مثل الريح و همومك ورق !

[مجبورة]

قم ودّع الهم والتصحيح والضيقه

صبحك جديد وتولا ليلك الدامس

[تحت الظل]

سميت باسم الله يوم ان الرضا درب الفلاح
.....وابكيت صدري من ذنوبي والخطا كبل يدي

يارب جيتك من عنى قلبي وفكري ماستراح
.......اذل واخضع يا الهي وانتهي بك وابتدي

ارفق على عبدك وخذنى من مساليكن شحاح
......عجزت اصحيها على قبري وتدفن مولدي

وعجزت من جرح اليتيم اللى غدا يتمه مباح
....يارب وش عذري اليا زليت واخطيت اجهدي

[مجبورة]

يارب عبدك ذرف دمعه وشد النظر
واستل كفه وطاول هامته للسحاب

اعوذ بك من هوى نفسي وذنب القهر
واعوذ بك من بريق المعصية والعذاب

واعوذ بك لا هجع ليلي وشب السهر
من نزغة ابليس .. والغفلة .. وسوء العقاب

اخطيت يارب ما ساور يقيني خطر
اخطيت والذنب يشعل فالطريق السراب

[محمدبن عبدالعزيز]

بسـيط / مـن حـملة مـأسيه ، منهار
يغص ، في صمته .. ليا قلت له : إحك !

يحاول : انـه يـثري اللـيـل .. بـ / إنوار
ويرسم على بُـعد المدى كيف يربحك

يامـا على [ شط الامل ] كان .. محتار
يخاف : ريح اظروفك الصلف ، تلفحك

يكتب عـن ‘ الحب الأبي .. بدمه الحار
كان : البطل والجمهره ، في مسارحك

[مجبورة]

كل جرحٍ عذبك فيني آثاره
في حروفي آهة الحب مقهوره

ادري ان السجن ما تصرخ اسواره
كل فرحه في ثرى الحزن مقبوره

كيف روض الشوق ما تنبت اشجاره
كيف تصبح ديرة الود مهجوره

كل ليلٍ اخره يسدل استاره
ويترقب اوله موعد حضوره

[محمدبن عبدالعزيز]

هذي هي الدنيا حظوظ وتوافيق
اما وطاك الحظ ولا وطيته
تعيش في غيبوبه الوقت و تفيق
شيٍ تذكرته وشيٍ نسيته

[مجبورة]

هلا باللي تجيبه لي تعوس الحظ والبشرى
هلا بك انت وطعونك هلا بك من كرم رجال

تعودنا نقول ارحب ويحلى لضيفنا سمرى
على ضو السمر ندفا وكلن يقرع الفنجال

هلا بك يوم جيتيني وحان الوقت للنحرا
ابنحر في قدومك خافقن يشكي عذاب الحال

[نفسي عزيزة]

ليه الحزن يسكن ملامح يومي

يخرب بيوت الحزن طوبة طوبة !

[مجبورة]

‎هو انت عندك خبر .. باللي حصل فيني

‎تسابق الدمع .. حتى جفت اعروقه

[محمدبن عبدالعزيز]

هذا هو المكتـــوب يا دمعة العين..
يبعد وانا آترجــــاه يصبر ثواني..

ينطق سكوتي يا غلاتـــي على وين..؟؟
وتتلعثم شفاتــــــه بسوق المعاني

[مجبورة]

يِبكيني خيّر حدّه الوقت للغي
ويِبكيني غاوي صيته ينطّق الدور

الدور ضوقه ما تعذرب أهلها
اسأل بخيص ٍ لا تضايق دخلها

[محمدبن عبدالعزيز]

الله يبلّ الريق في حزّة الضيق
لا شحّت كفوف المخاليق بالماء

‏خلك على النيّة تجيك التوافيق
لو أغلب قلوب المخاليق ظلماء

[مجبورة]

أحرص على الحبّ من تكبيرة الجاوي
لا قام فرضه وقام يحقّق النيّه!

لو اقسمه فيه يطلع فيه متساوي
وزّعت قلبي : هنا / وهناك / وهنيّه

ومن داخلي فيّ طعنة رمح ومداوي
ما مرّ بي شيّ ما احسّه سكن فيّه

ألقاني احيان في قصّةْ مع الراوي
والقاني احيان في لوحات فنيّه!

[شموخ]

‏هات لي من صوتك الرايق قصيد
‏مـن زمـن مـا عـاد بالساحة شعر
‏،،
‏صـح قـلـبـك لـو تـقـول ولـو تـعيـد
‏انـت هـمساتـك و أنـفاسـك عطـر

[محمدبن عبدالعزيز]

ريح راسك واترك عنك القصيد
القصيد ذا اليومين ماله طعم

ماعاد به شي في القصايدجديد
نفس المعاني... نفس النغم

[مجبورة]

مر ٍ توقّف وسط حلقي وترقا
ومر ٍ تجيب أقصى المعاليق بركود

ركود لا كنّه تفت الحشا فت
تسمع بها صوت السواني إلى جت

دام العمر مثل الشجر باكر يحت
خل أسمك بطرق المواجيب معدود

[محمدبن عبدالعزيز]

دخيلك لاتحاصرني... بين شمس وظل
انا مثل المطر مثل القدر مثل الشعر حالـه

انا مثل البحر قالت له امواجه تكلم .. قـل
ولاقال البحر كل الكلام اللـي علـى بالـه

[مجبورة]

هذا أنا

بحر بغير سواحل بحر هلامي عنيف

لا بدء لي لا قاع لي لا عمر لي

لكنني في الجوف ينبض قلبي

النزق

اللهيف .

[محمدبن عبدالعزيز]

فجرت دمع عيني على حبر وورق
وذاب شطر الغلا ياصاحبي وينه

الشوق ياعشيري هد حيلي وسرق
النوم من عيني ورجوى سنينه

[مجبورة]

هاتي يمينك بددي اللي معذبك
بوصلٍ يبعثر ليل هم النكاده
كلي قصيدة عشق يا عيون معجبك
من صادق أحساسي وصافي وداده
يامهرتي وشلون الأوهام تغلبك
ودرب الوفا والعشق سامي أراده
الشعر نهرٍ من سنا الشوق يشربك
وحس المشاعر نبض حبك مفاده

[محمدبن عبدالعزيز]

هاك المشاعر جت على ذمة البـوح؟
في وقت من صدق الأحاسيس عاري!

الغربه اللي داخلي غربـة الـروح !
أحس بالغربه وانـا وسـط داري

وين انت ياوجهٍ له القلب مفتـوح !؟
مثلـك يقـدّر وقفتـي .. وانكسـاري

[مجبورة]

يا حادي الصمت .. بحنا ، لين ما بحنا
نرسم مسافات صمت ..وبوحنا فينا!

لو القصايد ، تمسيِّنا .. تصبّحنا
من شمس ساحل ورقنا تجفل يدينا!

مايشبه الجرح .. ما يحمل ملامحنا
بوح بغيناه موطنّا .. وينفينا!

عسى المعاني .. الى ولَّت ، تسامحنا
مادامها مالقت بقلوبنا مينا!

[بنت النشامه]

‏الناس لـ الذنب والتقصير حمّـاله
‏أخطاءهم تختلف وأعذارهم وحده
‏
‏صرت اغبـط المنعـزل لا شفته لحاله
‏مَن خالط الناس حسّ بقيمة الوحده

[محمدبن عبدالعزيز]

هزّت الدنيا مدامع هالعيون
وطيّحتني يوم لي وجه ٍ حزين
خلّت العالم على قلبي تمون
وكبّرتني يا معنّيني سنين
علمتهم وش تكون ومن أكون
وعلمتني أنفث آهاتي حنين

[بنت النشامه]

‏نستعجل القادم نظنه لنآ خير
‏يآمآ على بطئ الطفوله صبرنآ
‏
‏فجأة صحينآ وأثرنا كلنا غير
‏نبكي ب حسره ليتنآ مآ كبرنا

[مجبورة]

نسيت انّي وضعت الشمس في كفّك وعفت الغيد
وحطّيت القمر في كفّك الثاني وخاويتك

انا لي ذنبك وللذنب عذر وللعذر تمهيد
ولك خيل الرّضا تصهل بصوتي يوم ناديتك

تمتّع بالغلا ياللي يسمّونك عنود الصّيد
والا يا كثر ماغرّتني حروفي وسمّيتك

[محمدبن عبدالعزيز]

كتبتك يا تعب دنياي لكن ما كفاك كتاب
تناقلني مشاوير العنا من غابه لــ غابه


اشوف وجيه بعض الناس لا طالعت تخفي ناب
واعرف الضحكه اللي ترتسم بوجيه كذابه

[بنت النشامه]

‏هد حيلي بالهموم ولا تضيق
‏اللي ادري فيه و اللي أجهله
‏عدني عكّاز قلبك بالطريق
‏أرك حملك فوق قلبي و ازهله

[محمدبن عبدالعزيز]

هذي فعول اللي سباني بالاطباع
لاغاب شبت بالحنايا حريقه

امشي لغيره شبر ولعينها باع
ولخاطره كل الجوارح مفيقه

[مجبورة]

هب الهوى غرب واجتاح الضلوع وشعرت
إن الليالي الجميلة هب نسناسها

مدري كبر حلمنا ولابعيني كبرت
والاهي اوهام ودي يصدق إحساسها

تنساني أيام وتجيني متى ماذكرت
اليامتى وانت روحي حابس انفاسها

[شموخ]

‏إن شانت الدنيا ترى العمر مقسوم
‏محدن حياتھ جت على ما يريدھ
‏
‏ألحزن مهما طال .. لا يمكن يدوم
‏بعض ألتجارب في حياتك تفيدھ

[محمدبن عبدالعزيز]

هو ما ذكر إن الجفا فيه كسّرهـ
للخافق اللي من هوى صاحبهـ ذآب

[مجبورة]

بغيت أسلي خاطـره .. عقب ماشـاب
لقـيـت مـالـه بالتسلي طلايب

أقفى مـع المقفيـن .. وجـلٍ ومرتـاب
على عقـوق الوقـت ،بالحيل عايب

في غربتي.. مريـت رجلي وركـاب
أرزاق .. من رب الخلايق ، وهايـب

[شموخ]

‏بعض الغياب يعلمك من يحبك
‏من يفقدك ويتصل بك ويشتاق
‏
‏وتعرف غلاته لوصدق هو يهمك
‏أو مايهمه وصل منك أو فراق

[مجبورة]

كأن همومي بحدب الضلوع العوج .. مسموره
وكأن ( أبو السهر ) ضيف .. وأنا عيوني معازيبه

وأنا ياما ترجيت الغياب .. تهاجر طيوره
تروح وترجع بلحظه .. وأقوم أصارع الخيبه

وانا والله من صغري .. ونفسي فيك ماموره
صدقت وسقت لك قلب يحبك .. وأكثره طيبه

وأنا طبعي مثل ربعي .. وعهدى مااهدم جسوره
وأذا قلت العهد يعني .. اوفي به اوفي به

[محمدبن عبدالعزيز]

هم يحسبون ان جروحهم تميز


لا والله الطيب يسطي في حياتي



أنا في حياتي احب الناس ماميز


كل شخص اعرفة احبه لين مماتي

[مجبورة]

ياعنيد الشف لك ميال واسرف في ميوله
وانت قمت تعقد الموضوع والدنيا سهايل

عان قلبي كل ماطاريك دقت له طبوله
قام يوميبي على لاماك والصبر يتهايل

[محمدبن عبدالعزيز]

لاخبرت القلب حن ومابكا
ولاخبرته قد شكا

شامخ وفي شموخه عظيم
في ذاته قوي .. لكن بكا
وبكا
وبكا
شوق وحنين

[مجبورة]

نسم علي الحب نسمات نسمات
واهدى حياتي من السهوله سيوله

ودووله المكتوب واهدوه بسمات
واهدوه مني صافيات خجوله

اللي بها الشريان لو قاللي هات
ما تنتظر لحظه تجيه بعجوله

[محمدبن عبدالعزيز]

هـــم(ن) جـديــد عـلــى الاول تحـمّـلـتـه
عنـك اتحمّـل كبيـر الهـم و امشـي بـه

رحـــت آتـمـثّـل بـطـبــع(ن) لــــك تعـلّـمـتـه
لا صـار لـك غالـي(ن) لـيّـاك تشـقـي بــه

[مجبورة]

هو سؤال الله واعلم

هاك مني

واسمعه

والسؤال بكل بساطه

دام طرّيت

السؤال

أنت ضد القلب

والا

يابعد روحي

معه ؟

واتركيني للغياب

واتركيني

بلا أمل

واتركي بي طفل شاب

شاب صبره

واندمل

[محمدبن عبدالعزيز]

لآ صرتْ آدوّر لـَ آلأمَل .. آيآم مآفيهآ جفَا
قلّيْ وشْ أسويْ لَـ صبرٍ كلمتَه [ ربكْ يعينْ ]

عَطنيْ مُبرر لـَ آلضيآع .. و هَميْ آلليْ مآ غفآ
وآلضيقَه آلليْ كل مآ آخَفيتهآ / ترجَع تبينْ

[مجبورة]

نكاية

غيبي كما غابت الشمس

منذ ثلاث سنين

لن أسائل عنك أحد

لن أجوس خلال الديار لألقاكِ

لن أتساقط حزنا إذا ذكروك

ولن أسهر الليل أقرأ رسائلك النرجسية

تظنين أني سأبكي ؟

أنا الرجل المتوشح سيفَ ( بني شرق ) أبكي ؟

أنا الرجل المتوحش أبكي ؟

أنا الرجل / العهر / ذئب الكلام / المراوغ أبكي ؟

[محمدبن عبدالعزيز]

ياسيدتي ! عندي في الدفتر
ترقص آلاف الكلمات
واحدةٌ في ثوبٍ أصفر
واحدةٌ في ثوبٍ أحمر
يحرق أطراف الصفحات
أنا لست وحيداً في الدنيا
عائلتي .. حزمة أبيات
أنا شاعر حبٍ جوالٌ
تعرفه كل الشرفات
تعرفه كل الحلوات
عندي للحب تعابيرٌ
ما مرت في بال دواة
الشمس فتحت نوافذها
و تركت هنالك مرساتي
و قطعت بحاراً .. و بحاراً
أنبش أعماق الموجات
أبحث في جوف الصدفات
عن حرفٍ كالقمر الأخضر
أهديه لعيني مولاتي

[مجبورة]

ياهيه أنا ملّيت من حرقة الجوف
وملّيت أنادي وانت سافه ندايا

وملّيت احاور فَالهوى حلم وطيوف
ابعتذر وبانتهي من الحكايا

[محمدبن عبدالعزيز]

اسمع صدى صوتك مع ضجّه الناس
والحس يسري للضماير حسوسي ..
انسى معاك العزم والفكر والياس
وحبك بقلبي للضمير مغروسي ..
واهيم في بحر بالامواج غطاّس
واسج وانسى عن ربوعي جلوسي ..

[مجبورة]

يامل قلب يسج أوفيه دولاجه
من واهج بالضمائر قام يدرجها

مغير أسير تقول امضيع حاجه
واخذ وأسند علي روحي وأهرجها

وادوج لو كان ما رجلي بدواجه
أدله النفس ليه الله يفرجها

[شموخ]

الأحد 29 محرم 1438





‏اسكن وسط بيتً خالي من البيت
‏مابه حياة والوغى فيه شامت
‏البيت هي امي ولا دونها بيت
‏امي وعساها للعنى نفس لامت
‏

[محمدبن عبدالعزيز]

تبقي عزيز وتعجبني مزاياك
ياللي بيمناك اجزل الطيب مطبوع
عسي البلاوي والمصايب تعداك
تصيب ناس عنهم الطيب مقطوع..

[مجبورة]

عطيت من عمري ولا شفت مردود
ياللأسف للناس ضيعت عمري

واذا افرحوا واجد على طيحة العود
هذا دليل انه فعل شي يغري

بوقف لحالي واتبع الطيب والزود
اشره علي ان صغر الوقت كبري

[محمدبن عبدالعزيز]

يخـاف مــن عـوجـا طــوال عوجـهـا
هرجت قفـا يركـض بهـا كـل هـراج
يقضب عليـك المخطيـة مـن حججهـا
حلـو نبـاه وقلبـه اسود مـن الصـاج
الله خــلــق دنــيــا وســــاع فـجـجـهـا
وعن ما يريب القلـب لـك كـم منهـاج

[مجبورة]

جمر المفارق بالحشا شهور واقد
القلب عقبك كن يحمس بمحماس

تدري وربي كني الكون فاقد
من غبت عني كن ماني مع الناس

طيفك يمر دايم علي وانت ماقد
مريت في دربي مع الدرب عساس

[محمدبن عبدالعزيز]

سوالفن تبري عـن الكبـد علـه
حتى يطيب لنا السهـر والتعاليـل
سوالفن ماجـات وسـط المجلـه
ولابثها التلفـاز بلسـنّ مراسيـل

[مجبورة]

ليه أسولف لك . . وهي من غير ليه؟
تعرف إنك تطوي أحزاني طوي

أنت حبك شي ما أقدر عليه
كن حبك ضيف . . والقلب . . ابدوي!

[محمدبن عبدالعزيز]

ياطير .. ياللّي لـك مـن الحـظ جنحـان

(يا ليـت) لـي جنحـان مثلـك واعلّـي

ياطير .. انا جيتك مـن الحـزن بطـران

عطني جناحينك .. (سلـف) لجـل خلّـي

ماهو عشان / آقـف بعاليْـة الأغصـان

ولاهو على شان / الفـرح والتسلّـي ..!

عشان لاحسيـت فـي (ثقـل الأحـزان)

اروح ادوّر (صاحـبٍ) .. ضـايـعٍ لــي

[مجبورة]

ياطير ياللي عذبتك الملاويح
والجو: شعف . وبرق . وأمطار. ورياح

ياطير بشر من يريد التفاريح
انك عليّ أبعد من الصين لرماح

ياطير وش حد العيون الذوابيح
تبكي خبر موت الشهامه ب(صيّاح)!!

[محمدبن عبدالعزيز]

حظ منهو يوم يمشي مع الناس
ماوسط قلبـه عالم مشغلينه
عالم مشاعر تسكن انسان حسّاس
بأسبابها لْحاله يشكّـل مدينه
ساعة يودّونه على حفرة الياس
وساعة يحطّون الأمل صوب عينه

[مجبورة]

هذاك حظه مثل بيض الثنايا

وهذاك حظه مثل سود الظفاير

[محمدبن عبدالعزيز]

رضيت أني اكون بزحمة إسراف الأسامي نك
يصورني طلاسم باهته بعيون قرائي

[مجبورة]

ياحكمة الطيـش .. ليـش نخلّـد الأسامـي والالقـاب

ما يمكن اسم الورد .. اشواك ؟ واسـم الشمـس فيّـه ؟!

[محمدبن عبدالعزيز]

هي ممكنة والا محال ..؟!
هي أمر واقع .. أو خيال ؟!
هو سهلها صعب المنال .. ؟
أو صعبها تستسهله !
مُذهلة ..
تملأك بالأسئلة ..

[مجبورة]

هنا مربط فرس فكـري قبـل غـارة خيـول الجـود

لـوجــه يشتـهـيـه الـشـعـر ويـسـافـر بشـريـانـي

هنا بين الشموع وصمـت الاشيـا والكـلام حـدود

تقهويـت الـغـلا حـتـى نعـسـت وفــرت احـزانـي

[السحر الحلال]

يا يوم عمورية انصرفت عنك
المنى حفلا معسولة الارب

أبقيت جد بني الاسلام في صعد
والمشركين ودار الشرك في صبب

[مجبورة]

بصُرْتَ بالرَّاحة ِ الكُبرى فلمْ ترها
تُنالُ إلاَّ على جسرٍ منَ التَّعبِ
إن كان بينَ صُرُوفِ الدَّهرِ من رحمٍ
موصولة ٍ أوْ ذمامٍ غيرِ مُنقضبِ

[محمدبن عبدالعزيز]

بكيتُ كما يبكي الوليد ولم اكن
جليدا وابديت الذي لم اكن أبدي
إذا وعدتْ زاد الهوى بانتظارها
وإن بخلت بالوعد مُتّ على الوعدِ
وقد زعموا ان المحب إذا دنا
يُملُ وأن البعد يشفي من الوجد
بكلٍ تداوينا فلم يشف مابنا
على ان قرب الدار خيرٌ من البعد
على ان قرب الدار ليس بنافعٍ
إذا كان من تهواهُ ليس بذي ودِ

[مجبورة]

دعانَا الهوى َ واستوقَفَتْنَا المَعَارفُ

يزيدُ إذا هبَّ النَّسيمُ وَقُودُه

هل فيهم رجل يغني غناي إذا

لكن رأيك أدناهم وأبعدني******* فليت أنا بقدر الحب نقتسم
لما خلطت يقين الود بالشبه

ورَوْعَة َ شَوْقٍ للحشَا مُسْتَفِزّة ً

فهنَّ صَحيحاتُ النّواظر حولُ

[محمدبن عبدالعزيز]

ليت المواجع صفحة تنطوي طي
على الزمن يصفي وتاقف شروره

احدن يموت وموتته توجع الحي
واحدن غيابه مثل حزة حضوره

[مجبورة]

هيهات نسمح لعذرٍ لى به اتجيينا
من عقب ما خنت خسرانه قضيّاتك

لا تحاول اترد ماضي له تناسينا
يكفيك أنّا سكتنا عن مجازاتك

[محمدبن عبدالعزيز]

كفايةٍ واعترافٍ منك يكفينا
عن لا تحاولْ تعيد الوقت لى فاتك
دع الايّام تحكم بين لاثنينا
ومسير الوقت يتحكم على ذاتك
سعينا بالوفا لكنّ ما رينا
على صادق هوانا باتجاهاتك

[مجبورة]

كم تعذبت في فهم النفوس
من كرهني يقول يحبّني

وكم حلمٍ تغربله الهجوس
وانت حلمٍ طفى ثم شبّني

[محمدبن عبدالعزيز]

ياقلب لاساقك زمانك على .. الهـم ..
غاير جروحك لاتبيح خفاها

مصيرها مع طول الايام .. تلتم ...
والا تموت ويحسن الله عزاها

[مجبورة]

أيامنا والليالي كم نعاتبها
شبنا وشابت وعفنا بعض الأحوالي

تاعد مواعيد والجاهل مكذبها
واللي عرف حدها من همها سالي

إن أقبلت يوم ما تصفى مشاربها
تقفي وتقبل وما دامت على حالي

[محمدبن عبدالعزيز]

ياشين قل الصديق ومسة الحاجة
وفقدانك الحاجة اللي كنت ذاخرها
وجفوة أعز الناس لاصرت محتاجة
تثر على النفس وتكدر مشاعرها
واللي يزود عذاب القلب وأزعاجه
مقابل الناس لاشانت خواطرها

[مجبورة]

اسرفت ب.. الدموع وب.. الجفا والذنوب
كنّها تقول :- ( عينك ماوراها ظهر ) !!

وانت ياليل وينك لايطول الغروب
مابقى شي من قو الجفا ماظهر

غير حاجه ب.. صوب وكل حاجه ب..
صوب ( البلا , والغريبه , والعجب , والقهر ) :-

[محمدبن عبدالعزيز]

رآفق رفيقا لاتضايقت يشفيك
ولآتنـفع الرفقه على غير فزعآت
،‘
ولآ الـردَي عَند إْللوآزمَ يخليكْ
لآنآفع نفسه ولآمنه نفعـَآت

[مجبورة]

تكفى بـ غلاة امك اذا كنت غالي

لاجيت في بالك ( تذكّرني بخير )

[بنت النشامه]

‏راحو بلا موعد و غابت ملامحهم
‏مايوجع الفقد .. توجع الذكرى !

[مجبورة]

البارحة ضلعي الربّان ، والمرفا :
حزن تلعثم به "ال يامال" يبكيني !

أصب حقل الشتا في ساحلي وادفا
ياساح لي سندس الذكرى يدفيني

[محمدبن عبدالعزيز]

ياليت أن الزمن يرجع ورى ولا الليالي تدور
ويرجع وقتنا الأول وننعم في بساطتنا

زمان أول أحس انه زمانًًًًٍٍ فيه صدق شعور
نحب ونخلص النيه.. وتجمعنا محبتنا

زمن ما فيه لا غيبه.. ولا حتى نفاق وزور
ياليته بس لو يرجع ونسترجع طفولتنا

[مجبورة]

الا يادار ناجيني ترى الدنيا عليه جات
هموم لو تزاحم فالحشا مانيب وامنها

بكت لي واثرها مثلي حزين وتشكي الليعات
على فرقا عربها والزمن مرهق رواكنها

وردت رد مكسور العزوم مفارق اللذات
وقالت ذي مجالسهم يسار الدار وايمنها

[محمدبن عبدالعزيز]

التجـارب مفيـده و الحيـاه إمتحان
وقسوة الوقت م تمنع طموح العنيد*
والذكـي يـدري ان الحـظ مالہ امان
وفرصة العمر صعبہ تبتسم من جديد

[مجبورة]

دام الذهب لو تردى وقت .. يبقى ذهب

شفت التجارب تبيّن كل معدن دفين

[محمدبن عبدالعزيز]

نعد الليالي والليالي تعدنا
والعمر يفنى والليالي بزايد

الى دقت الوسطى البهام تذكرت
زمان مضى ما هو لمثلي بعايد

[مجبورة]

‎دور بصدري وطن واستعمره
‎عندك من الضلع الأول للأخير
‎
فيني وادمر اللي تدمره
‎واعتذرلي واعتبر سرك ف بير

[محمدبن عبدالعزيز]

رسمت ملامح هم روحي ودمي
في ريشتك لا تحترق حشمة الطيف

يمطر سحابك سيل مدحي وذمي
انا معزب مرسمك والشعر ضيف

[مجبورة]

في غربتي ، عارضت أنا ركب الأغراب
أشد.. وأنزل .. والليالي ركايب

أضداد .. وأقران وعدوان .. وأصحاب
متناقضات الخلق .. ماغاب غايب

أسهر معـا تهويـم نجمـات الأحبـاب
حتى يصيـر النجـم بالصبـح غايب

[محمدبن عبدالعزيز]

بعض البشر اليا حضر يبعد الضيق

وان فارقك بانت مظاهـر فراقـه

من كثر ما تربطك معه المواثيـق

ودك تخط اسمـه معـك فالبطاقـة

[مجبورة]

قلت السلام وقال مالك مهونه

ورديت له ثاني سلامي وهلا

[محمدبن عبدالعزيز]

اهلا بمن خط لي سطره وعنالي مكاتيبه
اهليبه عدد وبل هطل من يود سحابه
سلام الله على راعي المعزة ومعدن الطيبه
سلام لو خلط بالبحر صفى واحلو مشرابه

[مجبورة]

هلا بالجرح لا اقبلتي هلابه لا نوى المسرا
هلا به بكل وقت وحين هلابه لاغدى بالحال

ربيت اشتاق لجروحك بشوق الحب للعذرا
وصرت المذنب الابرا بحكم الوقت والاهوال

كبرت وجرحك الاول نزيفن جاري الذكرى
ياكيف انسى سواتك بي وسنين انقضت غربال

[محمدبن عبدالعزيز]

لا باس .. ياضايق من الهم لا باس ..
تعوذ من الـ آهـ .. وأقبل لـ ربك ..

أثلج حرارة صدرك بـ سورة الناس ..
لو ابتلوك الناس .. ربك يحبك .

[مجبورة]

كيف الهروبُ ، و ما وجدت مرافئي
إلا بعينك حين ضنَّ زماني
كيف الهروب و انت تسبحُ في دمي
و تعودُ مشتاقاً إلى شطآني

[محمدبن عبدالعزيز]

يامن يفكر فى صمت ويتركنى
فى البحرأرفع مرساتى والقيها
كفاك تلعب دور العاشقين معى
وتنتقى كلمات لست تعنيها
كم اخترعت مكاتيب سترسلها
واسعدتنى ورودا سوف تهديها

[مجبورة]

الفِكرُ حَبلٌ، متى يُمسَكْ على طرَفٍ
منه، يُنَطْ بالثّرَيّا ذلكَ الطّرَفُ

والعقلُ كالبحر، ما غِيضَتْ غَوارِبُهُ
شيئاً، ومنهُ بَنُو الأيّامِ تَغترِف

أبني بجهليَ داراً، لستُ مالِكَها،
أُقيمُ فيها قَليلاً، ثمّ أنصرِف

[محمدبن عبدالعزيز]

فجرت دمع عيني على حبر وورق
وذاب شطر الغلا ياصاحبي وينه

الشوق ياعشيري هد حيلي وسرق
النوم من عيني ورجوى سنينه

الحزن طاويني والأمل فيني غرق
ماعاد الحيل ياصاحبي يقوى حنينه

[مجبورة]

هذي حروفي في دروب المحبين
جاتك وترها من خفوقي جلايد
لله تبقى ياسميي وبيحين
وقت الفرج بيحين دوك الوكايد

[محمدبن عبدالعزيز]

دام الليالي طيبها كف مبتور
يا كيف قلبي ينتظر زود صبره
يمكن لاني كنت ما طاوع الشور
اليوم كسري صعب طبه وجبره

[مجبورة]

هانت هموم الموقف اللي صار
ساعة نظرت لموقف الشعّار
أهل الجزيل اللي خبرنا رنّته
رنّة ذهب من غالي الأسعار
نبع القصيد متوّجين افكارهم
تتويجٍ حاكم مملكه و اقطار

[محمدبن عبدالعزيز]

راحت بي أفكاري بعيدٍ وجــت بــــي
وأهداب عينـي في دموعـي غريقــــة



أكتـب وتقرأ ريشـة العــود كتبــــــي
شعري سلس ينساب على السليقــــة


مشاعري يا شوق يمّك جرت بـــــي
من مرهـف إحساسي بيوتٍ رقيقــــة

[مجبورة]

هذا جريحن يطرب الليل ونّين
وهذا تعيسن يرتجيله سعايد
وذاك يبكي فرقى خله بتدوين
دمعه على كراس شوق القلايد

[محمدبن عبدالعزيز]

دامني واثق والنوايا نظيفه..
ماهمني ناس ظلمتني وسبت..

اللي يبي يغتاب يغتاب بكيفه..
ماني مربي لي بشر ماتربت!

[مجبورة]

تخيرت النوايا البيض والنوماس
وسألت الله يعطيني على فالي
اليا شفت الغنيّ وشفت فقر الراس
حمدت الله ربّي ... ياكثر مالي

[محمدبن عبدالعزيز]

يخَونْ البَرد ,، وتتجمد أحآسيسَ البَشر أوقآتْ ..!
وَ أنا أوقآتْ : أتجَمد وَلــآ أدريْ خَآننيْ برَديْ ..!

كثَيِر الصَد يكسَرنيْ ..وَ يِجَرحْ عَبرتيِ بِسَكآتْ ,،
و َأنآ بِسَكآتْ أتَصدد أحَسِبْ إِنْ العَمرَ يمديْ ..!

[مجبورة]

ياجدار مخطي من يقول إنك (جدار)
ماقدرك من لا عرف قيمتك وأنت
صدر الرفيق الممتلي حزن وأسرار
ب حروف من فضل على الخلق الأسمنت
قدامك أشعر بالفضاء خلفي (أسوار)
تسجني إن خنت الرتابه وأنا خنت

[محمدبن عبدالعزيز]

تايه ولا يعرف طريقه الى الان
يمشي ويسأل هالزمن عن جهاته ؟

وتمره أحلامه سريعات وسمان
والغيم فوقه مندهش من ثباته..!

ان طاح حلمه صارت آماله أركان
وإن غاب شوفه .صارت أرضه عصاته

[مجبورة]

هين مردك للفرج يأكبر الضيق
دام الليالي تقتفيها ليالي
هي بس تبغى طول صبر وتوافيق
وأشيل هم الناس كله لحالي
وعمر المربط مايسوق المطاليق
والحر ماترضيه غير المعالي

[محمدبن عبدالعزيز]

ياما سقت صحرا الظما ناس وذود
واللي على ساقيك تذبح جريده

مسكين من يمشي على درب مسدود
عايش على رجوى اماني بعيده

[مجبورة]

هذي أحوالي وذا وضعي وجيتك يا صبي
أشكى وأسوق العذر وأقبل ما تقوله إنما
لايضيق بي مذهبك تكفى وإنت خابر مذهبي
ماضاق لو ضاقت علي الأرض وأبراج السما
ولازم تعرف إنك ولو ماجيت من أمي وأبي
محسوب أقرب بالغلا من جملة أخوان الدما

[محمدبن عبدالعزيز]

أخوي يا اللي ما أنجبته أمي ولا جابه أبي
لكنه أقرب بالغلا من جملة إخوان الدما
لو إن بني عمي يحسبونك حساب الأجنبي
أنا أشهد إنك بين أبوي وبين جدي كلما
تبصرت نفسي بفعلك قلت يا دين النبي
أنا أشهد إن جدّك زعيم ومن سلالات زعما

[مجبورة]

أقرأ ضياعي وأكتبه من منكبي لمنكبي

وأرد وأمسح ماكتبته وأتجاهل طالما

[محمدبن عبدالعزيز]

اكتبك و اترجم احساسي قصيد
و كل من يقرا قصيدي تاق لي

و انت تقرا لي و لكن من بعيد
كيف تقرا لي و لا تشتـــــاق لي

[تحت الظل]

أنا ما نيب لا مشرك ولا فاسق ولا عربيد
أنا اللي لا عصى وأخطأ تجهم وأقلقه ثوبه

أنا اللي يرتجف مثل ارتجاف الخايف الرعديد
إذا شاف القبور الضيقات وحس بذنوبه

أنا عبدك ولد عبدك وجدّاني هل التوحيد
خطاياي أخجلتني يالله الغفران والتوبه

أنا الإنسان حمّال النقايض والكمد والكيد
غريق النفس واللذات من راسه لعرقوبه

أنا عبدك يا ربي وأنت تفعل ما تشاء وتريد
سألتك يالله العفو العظيم وهيّن دروبه

[تحت الظل]

يا ربِّي يا وافي العطا
جنبني ادروب الخطا ..
و اغسلني بـ " ثلج " العفو
و البسني من سترك غطا

[مجبورة]

انا ما اعبد وجيه الناس ماني للعرب محكوم
أقيسها وانا ابخص في مرارتها وحاليها
وانا مخلوق ماني في الحياة من الخطا معصوم
عسى الله ما يواخذني بغلطاتي ويحصيها
وبختمها بذكر الله عدد ما فات ليل ويوم
علينا حق ذكره باول الكلمة وتاليها

[نفسي عزيزة]

اقسى من الفقد الطويل ؛ الانتظار

واقسى من الثنتين ؛ " فقدان الأمل ..!

[محمدبن عبدالعزيز]

لــــو أمدح الدنيآ على طول الآيآم
مآألحق جزآهآ يوم جآدت بشروآك
__________________

[نفسي عزيزة]

كان يعني لي كثيـر . وصـار واحـد
وش أسوي بالعظيم إن صار عادي .!

[مجبورة]

‎يعني إعتذاري وش يفيد؟إن تعذرت
‎سؤال أعلق عتمة الروح ضوه
‎
أجير واكسر وانجبر..لا..تكسرت
‎وبيني وبيني ألف هوه..وهوه

[محمدبن عبدالعزيز]

هذا الزمن يبغاله .. لسان دلاّل .. !!
من يستحي هالوقت .. واعزتي له

وقتٍ به ( الراعي ) غدى .. راعي دلال
كلٍ على طاريه .. ينفض شليله ..!!

[تحت الظل]

هنا لـ الصمت صوت و حضن و أنفاس و عيون و روح
هِنآ للحكي نبض وجل / هِنآ لـلصدر تنهيدَه

هِنآ يآحضرة آلگرسيُ تموت قلوبٍ .. و تحيآ جروحٍ ..!
.... و لآتبرح مگآنگ لو يعيد آلحزن بگ عيدَه ..

[محمدبن عبدالعزيز]

هنا برد .. ولبس صدر السما هالليل ..
هنا الأشياء تتعاتب .. مع الأشياء !

هنا ضوضاء محتاجة هدوئي حيل ..
هدوئي لازم يشتت بعض ضوضاء !

هما عتمة .. وأنا في داخلي قنديل
أنا عتمة .. ومن حولي كثير أضواء !

[مجبورة]

الليل دمعة غريب ولهفة منادي
والفجر قدسية المنفي وتعظيمة
والحزن ذود بدوي(ن) والتعب وادي
والروح سدرة تخطفها مجاهيمة
والقلب لا شرعوا باب السهر غادي
قنديل قرم(ن) معلق في نحر خيمة

[محمدبن عبدالعزيز]

هذا الزمن مليان ..
ما اكثر دراويشه ..
في هالزمن خسران ..
من دور العيشة
وفي هالزمن كسبان ..
من باع تحشيشة
وش قيمة الانسان .. ؟
لا طال تهميشه ..

[مجبورة]

هذا الوجع في يباس الروح مستشري
هذا الندم من متى ما زار هقواتي ؟
راحت وجات المشاعر .. قدري
صبري وانتي تقولين : لا راحت ولا جاتي
علقتي الروح يوم انك على خبري
مابين الاحيا الصحاح وبين الامواتي

[محمدبن عبدالعزيز]

ياصاحبي من ذا الشجر خذ حكمة الصمت الحكيم
رغم الرياح ( تطعنه ) يبقى بهامه شاهقه

تبقى الحياه بمرها حلوه مدام الله كريم
قم نفض غبار الحزن .. عن خافقك لا يخنقه

[مجبورة]

هلابك..كثر ماغرد على غصن الشجر عصفور
وكثر..حبك بوسط أنفاس روحي ونبض شرياني
هلابك..كثر..ماهليت بك من مرقبي مسرور
وكثر..منهو سجع صوته بعالي الرجم طرباني
هلابك..كثر ماهل المطر وشرق شعاع النور
وكثر..منهو فهيمٍ.. يعرف الهادم من الباني

[محمدبن عبدالعزيز]

يامـرحـبـا ترحـيـبـه الـبــدو بـالـسـيـل
ليا حدرعقب الدهر وموت الاشجار

اقلـط عـلـى دلال تبـهـر مــن الهـيـل
واقدع من الصفري وقرب من النار

وعطنـي علومـك يانـجـم بالتفاصـيـل
وأنسـى همومـك والزمـن دوم جبـار

[نفسي عزيزة]

رزقي على اللي ما يمن العطايّا

وش عاد لو خابت مع الوقت الأحلام

[مجبورة]

ماينحسب عمر البنادم بالأعوام
بعض السنين نعيش فيها ليالي

[محمدبن عبدالعزيز]

يآبـيـض الأيــآم .. لآتمسـيـن مــسۈدّه
بشآيرك ، في نۈآصي الخيـر معـقۈده

[مجبورة]

هاك القصايد لاتضايقت واقرى
شف وشكثرفيها لبسماتك اشتقت
أثرالوفا ينباع عندك ويشرى
ماكنت اصدق فيك واليوم صدّقت
يامشتهي فرقا المواليف حذرى
تبعد وأنا من سكرة الحب مافقت

[محمدبن عبدالعزيز]

تجاوزي عن خطا غيري تعاظمته
لاشفت نظرة ثنا بعيون عذالي

هذاك ظالم وهذا الناس ظالمته
قلي من اللى من هموم الزمن خالي؟

[مجبورة]

يا حمامٍ ناح هيج شجوني ..
في هزيع الليل .. سهرت عيوني
ناحت الورقا في ليل .. ذكرت قلبي الرحيل
آه .. يا ويل المفارق .. ضاع في ليل المفارق ..
والذي صبره قليل لا يفارق ..
أول الغربه شجون .. باقي الغربه ظنون
آه .. يا قمر الغريب .. ساعة الظلما تغيب ..
والذي دمعه قريب .. لا يفارق ..
ليل .. يا ليل الدموع .. يا ترى كيف الرجوع ..
آه .. يا ظلم المسافر .. لو عن الغربه نسافر
والذي قلوبه شموع ..لا يسافر ..

[محمدبن عبدالعزيز]

روحي تعذب كل ماهب نسناس
..........لانه يحرك علتن محتويها


يزيد جرح القلب والقلب حساس
.......حتى نسانيس الهوى مايبيها

[مجبورة]

أشدُّ الجِهَادِ جهادُ الهوى
ومَا كرَّمَ المرءَ إلاَّ التُّقَى

[محمدبن عبدالعزيز]

اشد ما لاقيت من الم الجوى
قرب الحبيب وما اليه وصول
كالعيس في البيداء يقتلها الضما
والماء فوق ظهورها محمول

[مجبورة]

لا تقلْ أصلي وفَصلي أبداً إنما
أصلُ الفَتى ما قـد حَصَلْ
‍قيمـةُ الإنسانِ مـا يُحسنُهُ
أكثـرَ الإنسـانُ منـهُ أمْ أقَلْ

[محمدبن عبدالعزيز]

لا تظلمن إذا ما كنت مقتدرا
فالظلم يرجع عقباه إلى الندمِ
تنـام عيناك والمظلــوم منتبـه
يدعو عليك وعين الله لم تنمِ

[مجبورة]

ماقلت لك تشبه الأيام
تجرح وتنسى ولا ترحم
تعبت أسافر مع الأحلام
ولا أكتشفت أني كنت أحلم
إلين صحتني الأوهام
على جروحي وأنا مغرم

[تحت الظل]

مبطي وأنا أدور لهاالحزن سبة
.. ولا لقيت لعسر الأيام تفسير
عشان أذري فرحتي عن مهبة
.. والا أقول إنه جناحي وأنا طير

[محمدبن عبدالعزيز]

رمتني طيـــبتي بالغــــدر وانـا بطيبــتي مبلي
اداري ضحكة اعــدائي واشيل من العنا كــله

وادور للخــوي عــذر واماشيهــم مثــل ظلي
واعطيهـــم وفـــا واخـــلاص مايلقــونه بمله

[مجبورة]

هزني .. سحر البيان .. وجبت للشعر اعتداده
لو رعاة الضان طافوا به من الزود وسعوا به
امس من عرض الزمان وخصني بجروح غاده
"احمدالله واشكره" والظلم لهل الظلم "حوبه"
الوفا فيني جبله... والغلا للحب عاده
لو يهب الغدر معصاره .. وتلفحني هبوبه!!!

[محمدبن عبدالعزيز]

هب الشعر في حشآي و لآح برآقه
و إستمطر أبلغ وصوفي و أعذب أحسآسي

إيلين مزهٌر شعورن ذبلت أورآقه
اللي كسره الزمآن بـ ظرفه القآسي

و أنآ نسجت الشعر بـ حروف توآقه
رغم المعآنآه عن مآ قآلو النآسي

[مجبورة]

يامبادلني النظر وانت النظر
لا تخاف البعد يا كل الشعور
دام حبك في حناياي استقر
لا تظن انه يجي مني قصور
من بنى لي في وسط قلبه قصر
عاهده قلبي يشيد له قصور

[محمدبن عبدالعزيز]

رح وين ماتشتهي رح قد ماتقدر
أنا أول الناس في قلبك وأنا التالي

[مجبورة]

يضايقك ..
لو جيت أطمن خاطري
وأسأل :
وش اللّي .. مضايقك !؟
لو جيت الملم غيرتي
وأقتل بشوفك حيرتي
ما كنت أظن .. إني إذا :
حبيتك أكثر من كذا
يا عمري
راح أضايقك ..!
ليه غايب

[محمدبن عبدالعزيز]

بدرب المعزة أشهد إني مخاويك
واخترت شخصك بين كل البريه

الرب يعلم بالغلا يا كثر مغليك
و دايم مكانك في الشموخ العليه

[مجبورة]

هذا أنا يا سائلة
مهما عليه يحقدون

[تحت الظل]

ندهتك !
والطعون اللي على صدر الورق ترمح ( :
... يراودها حنينٍ موطنـه \ فـي قلـب سجانـه
ندهتك !
قبل ماسفـن الأمانـي بالجفـا تجنـح !!
وقبل مااستشعر :
غياب المواني وافقد الدانـه

[محمدبن عبدالعزيز]

هذا الكلام جروح وأوجاع وأشواك
كني على طول السكوت مغصوبي

ازعلت ذولا لجل يرضون ذولاك
لا مرضيٍ نفسي ولاهم رضوا بي

[مجبورة]

يرضيك أقابل هـ البحر وأرمي من الضيقه صخور ؟
وأذكر سوالفنا ب وَلَه وش قلتلك وش قلتِلي
في غيبتك حالي تَعَب وصرت ما أحب الظهور
ما غير أتمتم في نِدَم : يا وَيْلَ لي يا وَيْلَ لي

[تحت الظل]

ياللي تعاتب غموضي لاتوضحني
ما باقي في الخفوق الا تناهيته

أصافح الهم قبل انه يصافحني
واحب خشمه واردد في الخفى ليته

[مجبورة]

هذا انا جيتك وجبت من المشاعر كل ما يكفي لجل يكسي سما ليلي معاك

اسرفي ما دام نفسك تهتوي شوفي وشوفي من بدايات المحبه يهتوي نفس الشعور

[محمدبن عبدالعزيز]

ريحيني من غموض المفردات
وكبرياء الكذب والعذر الهزيل

وحاصريني صمت من كل الجهات
واذبحيني بوح في نبرة عليل

[مجبورة]

لا تزيد الجرح ماقصر زماني
شايلٍ بالقلب أحزان السنين
لاتزيد الجرح مافيني كفاني
لا تصير اليوم مع وقتي معين

[محمدبن عبدالعزيز]

ناديتك وصوتي من الشوق غامر
ابدعت فـ استفزاز قلبي وما فيه ،

مره ( نعم ) مره ( هلا ) مره ( آمر )
وش أنت خاسر بس لو قلت : لبيه

[مجبورة]

همس لي بصوت(ن) ناقل الهرج مايوحيه
بيوم(ن) مبارك جا للاقدام ما جت له
ضحك لي حجاجه وانكشف لي بعض خافيه
هرج لي وكنه يسرق الهرج ويختله
بعد مانشدني ودي اخذ معه واعطيه
نسيت الحديث 00 وقمت احييه وانصت له
وقال انت وينك 00 قلت يا سيدي لبيه
ولبيه كلمه غاليه 00 بس هانت له

[محمدبن عبدالعزيز]

هاك الجـروح وهاك معها المعاذير
آسف ترا كنت أحسب إني أهمك

لا تذكر اللي فات و أشوفك بخير
ولا تحسب إني في غيابـك أذمـك!

[مجبورة]

كذاب ، قايل كل مطرود ملحوق
سنين وأنا أطردك وأزريت لوصلك
كنك تطيش وكني أدور في طوق
كل ما وصلت أخرك يطلع لي أولك

[محمدبن عبدالعزيز]

كفي دموعك مال الاحزان ميعاد
مدام هذي رغبتي فهجريني
أنتي سراب وكلمة الحب وش عاد
ماقصدي اجرح خاطرك وأفهميني
نفس الظروف ووقتنـا كله عناد
أبلتمس لك عذر بس أعذريني..!

[مرتاح]

‏ما ترجى وكل شي إلا الرجى وكل ضيقٍ لابد الله يفرجه لو تسوي المستحيل لا تظن قلبي يميل مستحيل ما بقالك في حياتي اي حب 🎤

[محمدبن عبدالعزيز]

‏ما ترجى وكل شي إلا الرجى وكل ضيقٍ لابد الله يفرجه لو تسوي المستحيل لا تظن قلبي يميل مستحيل ما بقالك في حياتي اي حب 🎤


اخوي مرتاح عليك مخالفه!!
الحرف المطلوب (ي) وليس (م)

[محمدبن عبدالعزيز]

بين
الاحباب
لاقالها خلي احس
بغلاها
اعطش لها دايم وادور
لها اسباب

[مجبورة]

بَيني وبَيــــنك ما تجوز المعــاذير
عمرٍ يضيع .. ولجلك القاع تطوى
جرحٍٍ بكبدي والجدى فيه تصبير
كاني صبرت أيَام .. فأيٌام مقوى

[محمدبن عبدالعزيز]

أتصبَّر وأقول إنَّي على البعـد قـاوي
والله أعلم بقلبٍ فيه الأشـواق حيَّـه

كيف راحت يابو تركي حياتي شقاوي
وين درب السَّعـاده والحيـاة الهنيَّـه

[مجبورة]

هذا طريقي واعرف انه طريقك وجيت
وانتي بعيدة وانا عوّدت قبل السلام
لو التعب في طريقك كثر ماني مشيت
ما رحت راجيك لو جيتك ومالي مرام
لو ما دريتي انا يكفيني اني دريت
احيان ما يشعر القايل بطعم الكلام

[محمدبن عبدالعزيز]

من نسى في زحمة الدنيا رفيقة
قلت له عندي رفيق مانساني
لو يطول الوقت ويطول طريقه
ادري انه لو يطول البعد جاني
بيني وبينه على العشرة وثيقة
ان بديته بالغلا والا بداني

[مجبورة]

ياهاجسي يكفي تراني تشقيت
خايف يخيب الحظ بيني وبينه

[محمدبن عبدالعزيز]

هرجه على كبدي حليب المصاغير
وهرج العرب غيره على الكبد عرقا