{{ قلت العفو }}

,



يامرحبا ومسهلا ،

عجل منزل قصيدة .. صح الله لسانك الف

والله ياختك ماعرفت اسكت

ابياتك تجيب ابياتي لو حبرها ناشف .. والعزيزة

تستاهل مير سلم لنا عليهآآ





وهآك ..




قريت لي مرسول : مافيه شطحآت !
... ... ... ... فيه المحآسن والوصايف عديده ،

خلٍ لخله يكتب .. أجمل عبـآآرات . .
... ... ... ... من شان تبقى يد خلــه بأأيـده !

وقررت احط ابيات تشبه مجارات
... ... ... ... وغيرت مآبي خاف اسوي مكيده

عليك من حبري سلام وتحيـآآت . .
... ... ... ... ياللي العلاقة معك تبقى وطيده

عودت اقول استسمحك الانقطاعات
... ... ... ... الوقت كآآيد . . والمسافة بعيدة !

لاشك قدرك غير يا صاحب الذات . .
... ... ... ... والود تدري عندنا وش رصيده ؟

وشحآلك وبشر : وكيل الجزلات ..
... ... ... ... عسى امورك ماشيه معك سيده

وبخصوص خلك ، يستحق المقالات
... ... ... ... مآدام فوق الحسن مذكور جيده !

ومن دمعته في ذمتي له سلامات
... ... ... ... لاتدمع عيونه .. سبآآيب نشيده ،

وان خانك الحبر بوصفها سهالات
... ... ... ... عطني وتبشر عندي بما تريده . .

وش عاد الا قاف وياه كلمات . .
... ... ... ... وانا برضاكم دايم المستفيده

جداً صعب تلقى بزمننا علاقات
... ... ... ... تبقى لو انك وآقفٍ عالحديدة .. !

وجداً صعب تلقى الوفي بالمحاذات
... ... ... ... الوقت هذا عسر .. كلشن يبيده

حافظ على دآنتك مابين صخلات !
... ... ... ... وبعض العرب محشوم ماني بميده

وان استحت ! خل العلوم الهزيلات
... ... ... ... واطلب رضى ربي .. وفارق عبيده

واخطب عسى يسعدك رب السماوات
... ... ... ... وتكون هي فرحه خفوقك وعيده !

هذا وتوصى بعمرك اليوم والآت ..
... ... ... ... مدري الوصل ذا هو بعد نستعيده؟

وصلى الله وسلم عداد الرسالات
... ... .... ... وعداد من فينآ : يشيك بريده






السموحة للارتجال دور بـ قصوري

كنت أظن ..!