قصايد من ذهب ||

من روائع بدر بن عبدالمحسن
/


هذا المسا للحب .. للشوق للمواعيد
هذا المسا في القلب .. شمع واغاني وعيد ..
وينك حبيبي قبل الشفق مايغيب
تدري حبيبي كل الصبر تعذيب
مدري سحابه شال ولاشعاعه جيد
هب الهوى آمال وهب الهوى تنهيد

للحب اللوان السما بعد الغروب
زهر البساتين مصابيح الدروب
للحب ماتخفي القلوب من الهوى .. وتحكي القلوب
وتمر في صدري هبوب .. لو مر طيف يشبهك
وأصدق الليل الكذوب .. وإلا أنت محدٍ يشبهك ..
وينك حبيبي قبل الشفق مايغيب
تدري حبيبي كل الصبر تعذيب
مدري سحابه شال ولاشعاعه جيد
هب الهوى آمال وهب الهوى تنهيد

الشمس غابت المدى جمر ورماد
وينك حبيبي ياترى وين الميعاد
قبل الامل ماينطفي في ناظري .. يصبح سواد
لمحت في العتمه سنا .. وجهك حبيبي ضحكتك
واقبلت ياعمري أنا .. شوقك يسابق خطوتك ..
وينك حبيبي قبل الشفق مايغيب
تدري حبيبي كل الصبر تعذيب
مدري سحابه شال ولاشعاعه جيد
هب الهوى آمال وهب الهوى تنهيد
~