{ المساجلة الشعرية من الألف للياء }

تستاهل الفنجال من كيف دله
وبهارها مظبوط من خمسة انواع

في مجلسن راعي الوفا مايمله
وسوالفن يطرب لها كل سماع

ونارن توقد والحطب سمر كله
ونجرن يجاوب كنه الذيب لاجاع

عفت خلق الله لجلك كلهم
لجل غيرك ما يسلي خاطري

يتبعك قلبي كما أبكم أصم
وين ما تجري خطى عطرك جري


( ي )

يا كريم النفس مثلك مالقينا
لك معزة زادها عندي وفاك

ليت قربك يا هنا العمر بيدينا
واتبعك كني ظلال من وراك

‏كلك إحساس وشعور
‏، و إنت بالحب صادق
‏مّمتلي شوق بزمن
‏ ما صدق كل عاشق."
‏

قال عنـي فـلان ما فيني عقـل
قلت له يا فـلان لا مانته كذوب

العقل والسمع والنظـرة وكـل
باقي الإحسـاس في ذاتي قلـوب

كلها تهـوى الحبيـب المكتمـل
وتشوف زينه بس ما تشوف العيوب

( ب )

‏باب الشتا ؟ مزعج وصوت الهوا فظّ
‏من يوقد اطراف العتب : يمكن ادفا
‏اقسى زمن .. عمرٍ يجي مامعه حظّ
‏لا قمت انادي ..حلم " البارح " اقفا
‏

العام نادينا ولا فيه لبيه
............ واليوم عيدتوا بنا يوم جينا

من نظرة الرجال تعرف خوافيه
............ وش نيته وإذا نوينا نوينا

اللي نوانا بالمكارم نجازيه
............ واللي نوانا بالردى ماعلينا


( أ )

‏أنا وحيد الحنين .. و ليله المفجـع!
‏وأنا بقايا فرح مكسُور من نصّه،
‏.
‏أحنّ لـ أنسان راح و ما يبي يرجع،
‏لا مر طاريّـه أحس بـ داخلي : غصّه!

هذي هي الدنيا على كل الاحـوال
والّي كتبـه الله نرضـا بسيـره

حنا كذا ربي خلقنا على خصـال
أحدٍ على فاقـة والآخـر يسيـره

وحنا عرب مابين نـازل ورحـال
وكلٍ على وفقه يلاقـي مصيـره

والله كفيلٍٍ يجلي الليل ون طـال
وماظفـه ستارالليالـي ينـيـره

قال بصراحة وين عندك مكــاني ..
قـلــت فـعـيـونـي بيـن تـيّـا وتـيّـا

يعني لحــالي قـلـت لا لا وثـــاني ..
حـبٍ قـديـمٍ جـيـت أشـيـله وعـيّـا

بعضك كثيره شوي منـّه كـفـاني ..
غيـرك كثيره لـو عطـاني شـويّـا