{ المساجلة الشعرية من الألف للياء }

لك الله ضاقت ثياب القصايد وامتليت الهام
ولا ادري كيف الوّح لليباس واكسر غصوني ؟!
احبك كثر ماطاحت من احضان النظر أيتام
واحبك كلما اشعلت حب وساحت جفوني



(. ح)

حي السهر ما دام نومي كوابيس
وحي الخيال إليا أصبح الواقع أوهام

من يوم أبونا آدم همس بأذنه أبليس
وحنا نشيل ذنوب و هموم و آثام

حنا بشر .. دم .. ومشاعر .. وأحاسيس
كل الفوارق بيننا .. بصمة أبهام

(( ع ))

عيني تعاف النوم بالليل يالله الستيره
بالليل يالله الستيره يبا الخافي يبيني
نادو عقيد القوم ياقوم ملزوم استشيره
ياقوم ملزوم استشيره لو انه مايبيني


( ت)

تعبت ابكي على عمرٍ تحايله السنين وراااااح
واقول الله يسامح كل حلمٍ شح بأفراحه

اجي مثل الضرير الي يقول ان الامل مصباح
ولاكن القدر ضُيع مداه وخان مصباحه

(( ي ))

ياغربتي عايش بعمياي جوّال
تابوت بـ يدين المقادير محمول
عايش على ومض الأمل والهدف طال
وبدا طموحي يرتجف دون مدلول
ماادري هي العيشه مريره وبالأمال ؟؟
مادري انا الي واقفٍ دون مااقول


(غ )

غنيت انا من زايد الضيق موال
لين إنقطع صوتي من أسباب عبره

مد الزمن من صالي الضيق فنجال
وماعاد بالموضوع ياهيه دبره

((ر ))

رفيقك سلاح الضيق تلطم به العدا
ومن قل جيشه يطمعون اعداه
وضيم الرفاقه علةٍ مالها دوا
يكون الرجا والصبر هو ا ادوه



(( و ))

وش عـذر مـن صـدق كــلام ٍ يغـذيـه
لاصـار منهـو يدعـي الصـدق ؟ .. كـذاب


علمـت نفسـي درس ! .. مانـي بناسـيـه
ماقيـل لــي ولا حفظـتـه مــن كـتـاب


لاحـدنـي وقـتـي عـلـى شــي مابـيـه
اعـز نفـسـي ومـنـة الـنـاس بـتـراب

(( ش ))

شف أو لا لا تشوف ان كان ودّك صدق تعرفني
تتبّع سيرتي او سكتّي او جرّة اقدامي
تتّبعني واذا مرّيت دمعي لا تضاعفني
تعدّ بخطوتين وشف طموحي كيف مترامي
هنا طحت وهنا حظي عثر وهناك وقفّني
وهنا ماردّوا اللي كنت اناديهم بالآسامي


(( ث ))

ثلاثين عام واشتمط عارضي بالشيب
وزهرة شبابي ذابله وانبرى حالي

عن المجتمع قمت اتشطروقمت اغيب
بعيدا عن الضوضاء واحب اجلس لحالي

وفي عزلتي باظل لين الجروح تطيب
ومعذور لو يمناي ماتامن شمالي

(( ق ))