{ المساجلة الشعرية من الألف للياء }

عذري لياسي منك .. إنك تبيني
خنت الرجا.. وان صنت لي عهد ووداد
ولمصافحك ربي خلق لي يميني
أمدها لك وصل وأمدها بعاد



(ف )

في داخلي شي ٍعن الناس مستور
حرك سكون القلب والقلب لبــــــــاه
مـــدري غـــلا ولا حـزن ولا ســرور
مـــدري بداية فرح ولا معانـــاه

م

من معركتْك ابنسحب واسحب جنودي والعتاد
ولانسحاب احياناً ارحم من معاناة الصمود


(ه )

هلالك ظهر وانا على شوفته هليت
تباشرت به وانشيت من خاطرٍ مشتاق

اشوف السما غيم وطاح المطر واهديت
من اعذب بحور الشعر ما طاب منه ولاق

(( ك ))

كم تعلّم من شديد البدو وش معنى الرحيل
وكم تعلّم من غروب الشمس وش معنى الوداع
وكم تعلّم من سحاب الصيف وش معنى الحصيل
كم تعلّم من ليال البرد وش معنى الضياع


( ث)

‏ثابت علي مبدئي لو شانت ايامي
‏حافظ غلاك بخفوقي وحافظٍ سرك


(( ع ))

على فم الحكي واقف كلامٍ واجدٍ مـا قيـل
كريم الجرح يوم انّه طعنّي مـا تحمّلتـه..!

أدوّر صمتي البارح بقبّل هامتـه تقبيـل
دريت ان الحكي أعمى معاهم لـو تكلّمته..!

يهون الجرح لامنّه لفى من قوم قال وقيل
ولكن البلا عاقل وصعبه لـو تجـاهلتـه..!

((غ ))

غربةٍ تحت السما .. غربةٍ تحت الأديم
غربتين ما لابن آدمٍ منها مفر


(ر )

‏راسي رفيع طول عمري ولا زال
ولي عزة مانزلتها .......النوايب..


ج

جيتك مثل بحار خايف به يخون
هالبحر وانت رموش عينك مراسي
وجيتك أجّر بخطوتي كلي طعون
أبيك ترفع بين اياديك راسي


(خ )