قصايد من ذهب ||

صحيح طاحت دمعتي بس عذري
إن الدموع تقول لي سرك ف بير
ناديت صبري قلت محتاج صبري
محتاج لك جاوبني : وخير يا طير
ما عاد اشوف بهالزمن شي يغري
طاحت سنينه فوق روس المناعير
والبسمة اللي بعض الاحيان تسري
فوق الشفايف صدقها فيه تزوير
أعيتني الضيقة وسلمتها امري
يمكنها تقصر علي المشاوير
يا ليتني عن مقبل ايامي ادري
أو ليتني أو ليتني توي صغير


زايد الرويس

من متى والغصن يختار الطيور
من متى والبال يختار الطوارى
لاتسمى صمتى البارح غرور
انكسارى خلف هالصمت متوارى
فى غياب الشمس وش ذنب الزهور؟
والمطر لاشح وش ذنب الصحارى ؟
اللقا لحظات والغيبه شهور
تقصر الخطوات ويطول إنتظارى
لو قريت المنكتب وسط السطور
ماكتبت لغلطة العمر إعتذارى


متعب التركي