سجال الشعر والمشاعر

سجه مع الهاجوس طبيعة اللي بموت ما جزت عنها
اشكي على الخلاق وارفع له ايدي لاكثرت الافكار يفك منها
اما الكرم قد فاز به حاتم الطيئ حتى الفرس من شان ضيفه طعنها

خلوني اكرم في حياتي وانا حي ولامت مدري جثتي من دفنها
خلقت في الدنيا وانا ما معي شي وبروح منها مامعي شي منها

ياجاهل الدنيا تراها كما الفي يامفضل اللي في حياته ومنها

انا ناحرت لك قامت تروح وتجي مثل الذلول اللي طويلاً رسنها
وان ادبرت خلتك طايح ومرمي وكم واحد له حاجةً ما ضمنها
مسكين ياللي تحسب الواجد شوي والعافيه لو تنشرى وش ثمنها
لابد مانرحل عن المزح والغي ونسكن بيوت قبلنا من سكنها
النفس مثل الغص عايش على الري ولولاه كل الناس عافت وطنها
يالله عسى الحسنات تقضي على السي لاقربوا للنفس ذرعت كفنها