سجال الشعر والمشاعر

ياللي لحون القصايد كلها الحانك
فدوة عيونك فديتك يوم غنيتك
ياللي عناويني بدنياي عنوانك
وياللي مع الدم بالشريان ضخيتك

كنت اسمع اللي تذبـل ورود وزهـور
وبغيابـك آمنـت بـ. ذبـول الحنايـا

ما جاك من لفحـة نسانيسـي قصـور
هذي علـى خبـرك عروقـي ضمايـا

تربعـي بيـن الحنايـا / ومشـكـور
قصيـد جابـك مـن بيـاض النوايـا

أنا بعدك رهين الحبر والقرطاس
ابكتب هالألم والناس تقرالي

تخيرت النوايا البيض والنوماس
وسألت الله يعطيني على فالي

اليا شفت الغنيّ وشفت فقر الراس
حمدت الله ربّي ... ياكثر مالي

ياكثر مالي في الديـر مـن صديقـي
لا بارت العملـه وشحّـن الاسـواق

صداقـةٍ تبنـا بـسـاس ٍ وثيـقـي
لا عقربٍ تلـدغ ولا مـوس حـلاق

قلت: الثقه .. قال: الثقة والصداقة
فترة تحددها ظروف المعيشة !
في تعتعة الأفكار نصف الطلاقة
بلحظة جنون يمرر العقل طيشه

‏هيه ياللي صنعتك نقض البريم
‏و الكلام سهيل و المعنى جدي
‏
‏ما بلاك من الردي و لا الكريم
‏البلا اللي . . لا كريم و لا ردي

ياقلبي لامن ضقت أش الضيق للمسكين
ويادمعي لامن سلت أخ والمرجله هده

وياعجمي لامنك طحت تكفى طيح بزين
أبا طيحتك طيحت شجاع ماهوب وده

وانا مانيب غشاش و الناس غشاشين
ولاجيبها من حد والناس من حده

هذا الأدمي مخلوق من نور ماهو طين
يشاعرك من جده ويلا رضاك من جده
ادور على شوفه ولبي وأقول أمين
وعلى صحته ورضاه حتى على سده

هو كلّ شيّ ٍ فاتنا
.. حتى البكي ؟
قم علّم الصمت الحكي لاصار صمتك فرض :
يا صوتك المحبوسْ .. |
.. عن كلّ مافي الأرض
ذبْلت به أوراق الكلام
.. وتساقطت حزن وخريف
لين امتلى صدرك حفيف

فيني الفراغ الكبير ال ما بقى به شبر
ما فاض منه الحنين وإمتلى بالجراح !
يا أول العام : طاحت من غُصون الشعر
أوراقي الذابله و تْبعثرت للرّياح
و جيتك فِ ذاكرتي وْجيه وقصايد تمر
برمي أثَرْها ورا النسيان هذا الصباح
و اهرب عن الخارج لْ آخر حُدود الصدر
وانزع من من الداخل الحزْن العتيم الرّماح
وارسم لي دروب محفوفه : بياض وزهر
و اركض عن الضيقه لْ آآخر مدى الإنشراح