سجال الشعر والمشاعر

بقص لك قصه عن آدم أناني
كاذب يحب الغدر وبالعشق محتال
من دون موعد يعشق انسان ثاني
يذبح خوي دربه ويوقف على الجال

لوشحت ..يدين الزمان.. المناكيف
نبقى على ..عهد الوفا.. مانزايف

وان طال.. بال الليل.. قل للسواليف
بوح السهر من ضيقةالصدر عايف..

فلان عز الخوي . . وفلان ماله خـوي
حكمـه زمنا وحنا نحسـب انـه كـلام
عليـك باللي ليا جا لـ الكـوارث دوي
اما غدا لك سند والا غدا لك حـزام

مـن خلقـت الدنيـا الى أيامنـا ذي
والناس تطـرد رزقهـا ماكفاهـا

ما فيـه بالدنيـا ولاكائنـ(ن) حـي
الا يموت وعايش(ن) فى رجاهـا

الموت ماهو رجعة الطين للطين
الموت لا من قيل للصابر اصبر

وليا انحنت لله روس المصلين
ماعاد للأصوات غير الله أكبر

لا اقبل زمانك صارو الناس زينين
لكن تعال ودوّر الناس لا أدبر

ردوا سلام اهل القلوب المواليف

عن الوليف اللي نشد عن وليفه

ردوه لعذوق النخيل المهانيف

وعلى القصور اللي بوادي حنيفه

دارٍ لها بالقلب عشق وتكاليف

يا عل عينٍ ما هوتها كفيفة

هل يستوي جحادت الملح والزاد
مع الذي طيبه ملا مجمع ايديك