" المايكـ "

اليوم الثااااااااني
اهم حاجا ان شاء الله يكون المايك زي امس مايقطع
بعد مااتكلمنا وباختصار عن مرحلة الدراسه ومرحلة الطفوووله عشان لاتملوووو من كلامي الكثير خخخخ
اليوم حتكلم عن تسميتي بزارع البسمه صراحة الاسم دا جاني من اصحابي الله يعطيهم العاااافيه هما الي اختارو الاسم دا وانا صراحة اعجبت به كثيرا
وحذكر لكم بعض ماقيييل في زارع البسمه انا (( واعوذ بالله من كلمة انا )) مااحوب امدح في نفسي
ولكن هذه متطلبات الموضوع فلازم نذكر كل حاجا .
فقام اصدقائي الله يعيطهم العااافيه بعمل حمله مصغررره في الفيس بوووك عن زارع البسمه وسأذكر لكم ماقيل عن زااارع البسمه
زارعـ ـالبسمة..
اسم مستعار لشخص لو عرفه الوفاء لانتحر.
زارعـ ـالبسمة..
شخص يعرف معنى الصداقة بل هو الصداقة بعينها.
زارعـ ـالبسمة..
...شخص لو لم يكن في الدنيا صديق الا هو لكفاك.
زارعـ ـالبسمة..
شخص لطالما غير مجرى اشياء كثيرة في حياتي.
زارعـ ـالبسمة..
شخص اختار لنفسه هذا الاسم فحُق ان يكون هو هو "زارع البسمة"


بصراحة زارع البسمة انسان
قليلة فيه كلمة شكر وثناء
قليله فيه كلمة حب ووفاء
قليلة فيه كلمة صداقة وإخاء
شخص لو مزجت ابتسامته بماء البحر لأصبح حلوا
...انسان يعجز اللسان أن يوفيه حقه
( بصراحة وبدون مجاملة هذا جزء بسيط من اللي في قلبي لزارع البسمة )
واشكر احمد على اتاحة الفرصة لأعبر عن مشاعري تجاه زارع البسمة

لو كان للبسمة جمال ، لكانت على شفتيه ملكة جمال العالم

هذا بعض مااقيل عن زارع البسمه
نروح للرجيم وماادراك مالرجيم انا كان جسمي في الخطر ووزني كان مرا في الخطر فكنت دايما اقول خلاص حبدا رجيم وكل مرا ابدا فيهااا مااحصل احد يحمسني ولا احد يشجعني وارجع واكل واصير اخس من اول
ولكن قبل شهرين او 3 شهور من الان كنت انا وواحد من اصحابي جاتنا عزيمه واصرار اننا لازم العيد السنه دي نعيد واجسامنا تكون حللللوة وبالفعل بدا في الرجييييييم الشاق جدا
رجيم بدون استشارة دكتور بدون جدول غذائي وانا عااارف انه دا اكبر غلط في الرجيييييم ولكن الاصرار والعزيمه بيسوي اكتر من كدا
بدانا الرجيم فكنا نمشي يوميا 4 كيلو دا اول اسبوع والاسبوع التاني زاد الحماس فصرنا نمشي ونهرووول 8 كيلووووو 4 كيلو بعد صلاة الفجر و4 كيلو بعد صلاة المغرب ماشاء الله تبارك الله .
وكنا في الاكل مرا مرا مرا مشددين كانت وجبه وحده يوميا هي عبارة عن علبة زبادي قليل الدسم وبعض الاحيان ودي نادرا ناكل خضروات وفواكه ولله الحمد اولا واخيرا اكيد كلكم شفتو صورتي في التوقيع وصلت لدا الشي الحمدلله في شهرين ونص ممكن والان انا مستمر في الرجيم بأذن الله بأذن الله حاط املي لين الحج
بس خففنا عن رجيم اول بكثير اول كنا متشددين الحين لا يعني ننزل وزننا بالراحه بس الشي الي اعطانا دافع اننا نواصل هو اني كنت معا صاحبي فكان كل واحد يحمس التاني يتصل عليه وزي كدا.
بذكرلكم بعض المواقف الي مرت علينا في الرجيم واختم بيهاااا
مرا من المرات ونحن في الممشى في الصباح عادتنا لما رنوح الممشى نلبس كوت حق البرد عشان نقدر نحرررق اكثر
فذاك اليوم كنا نهرووول والوضع عااادي جدا غلقنا كيلوين ونحن راجعين الكيلوين التانيه ماكان في نقطه هوااااء
مااعرف وقتها من شفط الاكسجين علينا ففتحنا السسته حق الجاكيت عسى ولعل يدخل هواء
بس للاسف بجد ذاك اليوم ماانساه لاننا شفنا الموووت فيه فواصلنا وواصلنا وانا خلاص شوي وابكي لازم نرجع لمكان السياره فشدينا ع نفسنا شوي لين ماوصلنا للسياره والله ماقدرنا نجلس دقيقه من قوة الكتمه ركبنا السياره ومشينا بسرعه .
دي حكايتي معا الرجيم بأختصااااااار شديد اعذروني مرا تانيه ع اللهجه العااااااميه
يالله باقي اليوم التالت والاخير
انتظرروني