خطط للسيطرة على اطفالنا ... تفضلوا خططوا ونفذواااا

نجي الان لطرق تجعل طفلك متعاون وتقلل من المواجهه معاه


الطريقه الاولى : عرض الخيارات







طريقة سهله .. مثلا


جاء وقت النوم ...تقولي للطفل أي بيجاما تبي تلبس الحمراء او الزرقاء ؟؟


راح يختار ..


الطفل هنا بيحس انه له شيء من السيطرة على الامر وراح يطبق بسهوله


طيب لو قال ماراح البس لا الحمراء والا الزرقاء ابي البس هذا البنطلون


لو اعطاك خيار ثالث ومقبول بالنسبة لك وافقيه


اما اذا مو مقبول


قولي خلاص انا راح اختار عنك .. البس الحمراء ..


اذا لبس اثني عليه ...


اذا ماطل كرري عليه الطلب مره ثانيه ..

الطريقه الثانيه : الابلاغ






هو انك تبلغي الطفل بانه بعد فتره محدده تبين ينتقل من سلوك وينتقل لسلوك اخر ..
مثلا
انتوا في الملاهي .. قولي لطفلك بعد 3 مرات لعب بنروح البيت ...
يصير الطفل متعاون اكثر

مثلا
احمد بعد 10 دقائق تروح تفرش اسنانك وتغسل يدك
ندى بعد 10 دقايق تروحي تنامي
وامدحي الطفل لما يمتثل للاوامر

الطريقة الثالثه الاتفاق المشروط :





مثلا


الطفل : ماما ابي العب برا في الحوش؟

الام : طيب بس بالاول جمع العابك ووقتها اسمح لك تطلع


او مثلا
الام: عبدالله اذا خلصت واجبك باخليك تلعب في الكمبيوتر

لا تخلي الاشياء اللي تغري الطفل فيها ماديه ابدااااا

ممكن الطفل ما يعجبه الاتفاق عادي اذا رفضه ...لان هالطريقه اسمها اتفاق
ولو اول مره تستخدمي مع طفلك هالاسلوب جربي في اشياء ممكن تتوقعي منه الرفض ..

الطريقه الرابعه :


جدول افضل السلوكيات



هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 576x794 و بحجم 43KB. اضغط هنا لمشاهدة الصورة بالحجك الطبيعي.



كلنا تقريبا نعرف هالجدول
نضع ست سلوكيات لا اكثر تبين طفلك يسويها بدون مماطله
اذا عمل السلوك حطي نجمه والا هم من النجمه هو المدح والتشجيع
نهايه اليوم او نهاية الاسبوع اجمعي عدد النجوم
مثلا تكوني حددتي من قبل اذا كانت اكثر من 15 راح اطلعك المنتزة
بعد فتره راح يتعود الطفل انه يقوم بالاشياء من غير ماينتظر النجمه
والمكافأت عموما انا ضد انها تكون مكلفه ..
ولو تكون طلعات ونزهات والذهاب للاصدقاء افضل من وجهة نظري الخاصه

الطريقه الخامسه : جزئي المهام الصعبه

يعني مثلا بدل ماتقولي لطفلك رتب غرفتك
لا
قولي تعال جمع المكعبات هنا
حط الدباديب هنا
جمع الاوراق وارميها
وهكذا
ممكن تستخدمي هالطريقه في حل الواجبات

يعني تقولي اكتب هالفقره وبارجع اشوف ايش سويت وامدحيه

ملاحظه :
على فكره اللي طفلها بطيء في حل الواجبات ويماطل ..
اذا خلص الواجب ممكن تمدحيه تقولي ماشاء الله خلصت بسرعه
ولو كان كبير وفاهم وعارف انك تبالغي قولي انت اسرع من امس ماشاء الله
كمان ممكن تقولي بحط المنبه بعد نص ساعه حاول تخلص قبل مايدق
وهذا على بقية السلوكيات اللي يماطلوا فيها عيالنا
( كنت اقول لاحد اطفالي ايش هاللكاعه بسرعه خلصني... خخخ)

يتبع ان شاء الله مع الجزء الاخير من السلوكيات وكيف نتعامل معه